المساعد الشخصي الرقمي

مشاهدة النسخة كاملة : رباعيات شعر الدوبيت شارك بما تحفظ


الصفحات : 1 [2] 3

حافظكو
02-27-2012, 09:39 PM
(نحن) للشاعر يوسف البنا ... بقية


وفيها الجمع اهل النحاس ابو رنة
الصبحة وبزع ناساً عشرتم تتمنى
بني جرار أهل سمتة وعروض ومحنة
دفّاعين جنى العاتي القفاهو مبّنى
****
فيها الشويحات القلبوهم حارة
والبني هلبة والبرتي العروضم جارة
فيها اولاد رباط سُلطة حكمهم مارة
عِن ضرب السلاح بستعزو بطرو السارة
****
الفوج والسلامات العقولهم دارية
فيها تبوسة والقمز الددنقا وبارية
قِمر والوطاويط والمساليت والبرون الطارية
يوم العركة والدَيَّة وطمرة الهارية

****
الغبش البغاد الديمة فاتح بابم
99 ولي شامخات عوالي قبابم
اولاد دار حامد الكرماء بشيد ترحابم
ليهم عندي تقدير خاص بقولو حبابم

حافظكو
02-27-2012, 09:41 PM
(نحن) للشاعر يوسف البنا ... بقية


وما بنغشك آ السمحة ونقول وحدّنا
البندورا بنسويها ان بيقت واعدنا
لا تهتمي لي زولاً بقول هددنا
مية بسوقا كان نقّر نحاسو ولدنا
****
نحن العندنا الموت والكتل مو سيرة
نحن معنا شيمتاَ مستحيل تفسيرة
نحن بنكرم الضيفان نعز الجيرة
نحن بحرنا طامح وللبعوم تنيرة
****
نحن العندنا الاكرام وطولة البال
ونحن الجودنا زي برق السواري الشال
نحن العندنا الموت فوق وطنا حلال
نحن اليوم صهيل قرّح نحاسنا جبال

حافظكو
02-27-2012, 09:42 PM
(نحن) للشاعر يوسف البنا ... بقية


نحن الجودنا ما بكمل خريفنا وصيفنا
ها نحن ندردق الجزر الغلاد لي ضيفنا
نحن بنحفظ المعروف نراشي ضعيفنا
نحن بفلخ الفارس المدرع سيفنا
****
لكن الزول واجبو قبال كل شيئ يعترضو
يترك أمرو للفاطر سماهو وارضو
يحفظ نفسو ويبقى عفيف ويبعد برضو
بي تقواه من الشر ويوفر عرضو
****
الانسان ضعيف في مثل طولو وعروضو
معروف اصلو لابد من زوالو وقرضو
كتير في الدنيا طربانين فراحا يعرضو
ناسين يوماً الزول بينسأل من فرضو

حافظكو
02-27-2012, 09:43 PM
(نحن) للشاعر يوسف البنا ... بقية

وبي قدرة الله وبي قول الكتاب والسنة

نعيش عيشة أكارم وفي الوطن نتهنى
ما نتبّع ابليس اللعين بفتنا
لامن ترسى في بر السلامة سفنا
****
نمسك قوي في الله ونقضي فروضنا
واجب حق علينا جميع نصونا عروضنا
نملأ قلوبنا بالايمان ونشفي مروضنا
لامن من مياه الحق يخضر روضنا
****
ونشجع شبابنا على الجهاد في الله
لامن يضوي نورنا ونتلهج نتقلا
بي شرع الله فوق باقي الدول نتعلا
وناصر دين محمد حق يعيش غير زلة

ربيع حمامه
02-27-2012, 11:05 PM
سلام سلام سيد الرالوبة سلام سيد التكية
ام قدحا ملان دبلية
سلام من زولا نفسو غضبانه مغلوبة
الما شرب القهوة في ضل الراكوبة
واليلة جيت ماري انشاء الله الحس الربوبة

حافظكو
02-28-2012, 11:53 AM
سلام سلام سيد الرالوبة سلام سيد التكية
ام قدحا ملان دبلية
سلام من زولا نفسو غضبانه مغلوبة
الما شرب القهوة في ضل الراكوبة
واليلة جيت ماري انشاء الله الحس الربوبة

حبابك أستاذنا في راكوبتنا ونتشرف بزيارتك وبقول ليك

سلام استاذنا الديـــــــمة سمح فالو
سلام استاذنا فايت القصار والطالو
سلام استاذنا كل الخلوق تــرضالو
سلام استاذنا لا بجيــب قلنا لا قالو

حافظكو
02-28-2012, 04:34 PM
من كلمات الشاعر عيون يراع

نحن الجبل الاشم الواقف صم
نحن البنكرم ضيفنا ونعز بنات الاعم
نحن بالنقول للعدمان كيل ماتقول كم
نحن ما بنسوي للحافظ زلابية وشاي
بنطبح ابو سيموته ونريق الدم
بحلف بقول حرررررررررررررم
في الفردوس دائما نتلم
وحباب فاطمة البتزيل الهم

ربيع حمامه
02-28-2012, 04:41 PM
بي كرمك كفيتنا بجودك عزيتنا
وعلي فحول الدوبيت لميتنا
ياه المحريه فيك شيخنا
اصيل
كريم
بقلبك الكبير في الله حبيتنا

ربيع حمامه
02-28-2012, 04:51 PM
حباب الحساني قال ونضم
حباب سيد الطار والشتم
لاسوي الشين لانقطع فيه عشم
حباب سيد الراكوبة المفتوحة
لجميع الناس احرار وعبيد وخدم

ربيع حمامه
02-28-2012, 05:14 PM
سمعت الحافظ قالي خش وتعال وجيب لينا الفال
قليل فيك الكلام البتقال
اهل الطريق البلحقو الرجال
لابهمكم جاه لا مال
بس محبة في الله
بيه في الجنة نكون خلال

حافظكو
02-28-2012, 05:23 PM
حباب الحساني قال ونضم
حباب سيد الطار والشتم
لاسوي الشين لانقطع فيه عشم
حباب سيد الراكوبة المفتوحة
لجميع الناس احرار وعبيد وخدم

حبكم والله في القليـــب محفور
كيــف انساكم ده كلام معــقول؟
حبكم يداوي وينــعش المعلول
غيابكم يوم زي غيــاب الحول

ربيع حمامه
02-28-2012, 05:46 PM
الليلة الفردوس شالة غيومو
للخير العميم لازم تقومو
يلا نمشي للحرازة نزورة
نتشرف بي الحسانية نشوفة
الزول الجميل سيد الراكوبة
تفرح بسمتو الناس عموم وعموم

حافظكو
02-28-2012, 06:30 PM
الليلة الفردوس شالة غيومو
للخير العميم لازم تقومو
يلا نمشي للحرازة نزورة
نتشرف بي الحسانية نشوفة
الزول الجميل سيد الراكوبة
تفرح بسمتو الناس عموم وعموم

انشاء الله المحبة البيـنا ديمة تــــدوم
ولي زيارتكم والله نرجا هذا اليــــــوم
نفرح بيكم كتير وتزيــــلوا عنّا هموم
ونشبعكم كبدة ومرارة وشية للحلقوم

حافظكو
02-29-2012, 01:22 PM
هلا هلا يا بت التجاني ابدا ما بــــــــطلت
وفي الفردوس انتكيــــت قعدت واتوهطت
وكان ما المشاغل الديــــمة فيها صبــرت
كان نظمت فيـك درر وحلو الكلام سطرت

حافظكو
02-29-2012, 01:48 PM
نقلا عن المهمبريب

ولدنا عبد الرحيـــــم في الهند طاشي
وربنا يجيــبو الليلة عليــــــنا خاشي
وعلي حلف كان بي جاي جاء ماشي
أعشيــكم كبد وكلاوي ورز ومحاشي

ربيع حمامه
02-29-2012, 01:52 PM
عايز الحقك الجدعة دي

كلام الحافظ

هلا هلا يا بت التجاني ابدا ما بــــــــطلت
وفي الفردوس انتكيــــت قعدت واتوهطت
وكان ما المشاغل الديــــمة فيها صبــرت
كان نظمت فيـك درر وحلو الكلام سطرت

رد
كان عليك تحي الملوك وقول تعظيم سلام
مها الخفيفة البوصل ولاعدوها قالوا حمام
ان دخلت علي مكتبة تنهل زين تتم المرام
حروف مذهبه تحلف تقول انغام
وان جيت علي الهبريب تنهل تشحد الله اعفيك من السأم
الحافظ امسح سطرينك البنية شوية عليها حلو الكلام

حافظكو
02-29-2012, 02:43 PM
عايز الحقك الجدعة دي

كلام الحافظ

هلا هلا يا بت التجاني ابدا ما بــــــــطلت
وفي الفردوس انتكيــــت قعدت واتوهطت
وكان ما المشاغل الديــــمة فيها صبــرت
كان نظمت فيـك درر وحلو الكلام سطرت

رد
كان عليك تحي الملوك وقول تعظيم سلام
مها الخفيفة البوصل ولاعدوها قالوا حمام
ان دخلت علي مكتبة تنهل زين تتم المرام
حروف مذهبه تحلف تقول انغام
وان جيت علي الهبريب تنهل تشحد الله اعفيك من السأم
الحافظ امسح سطرينك البنية شوية عليها حلو الكلام


الليلة الفردوس نسامو نسم وفــاح
من جيـهة الجبل دغشاً مع البيّــاح
في ظلو الظليل انعم وانوم وارتـاح
وفيهو عسول الموز المنقة والتفاح

حافظكو
02-29-2012, 05:23 PM
فردوس الجبل الديمة فاتح بـــــابــك
الزائرنا مرحب بيك كتير وحبـــــابك
شكراً يا البشير الناس جميع احبابك
الجبــــــل العزيز نعشق دوام لترابك

حافظكو
02-29-2012, 06:24 PM
أبيات كتبت قديما في هذا البوست أحببت اضافتها لتكون ضمن الابيات السابقة

كل ما تجيني زهجة ومزاجي يتعكر - افتح جهازي واقعد فيهو واتحكر
وأخش على موقع الفـــــــــردوس - جميل الشـــــــــكل والمـــــــــنظر
لأن الفــــــــيهو نــــــاس حلـــوين - حلاتم بــــــس تقــــــول ســـــــكر
ويزح مـــــنى الزهــــــج وارتـاح - ومهما أوصف حالتي مـــــا أقـدر

حافظكو
02-29-2012, 06:27 PM
من أشعار عمنا مبارك ابراهيم الامين ... ويا اخوانا فاقدين هذا الرجل القامة
حد منكم يعرف أين هو ؟؟؟؟؟؟

موقع الفردوس بين المنتديات دائما عالي وديمة مشكر
ولي الما بعرفوا ده تمســـاح الدميرة البي طميهو إتعكر
أعضاهو الكـــــــــــــــــــرام مافيهم زولا لي ترابو إتنكر
بكرموا الضيف بالضبيحـــــــــــــــــة مابي زبادي وسُكًر

عثمان علي
03-01-2012, 03:27 PM
داير اقول بالحيل نحنا المعزة أساسا
ونفس الغيور الحي بالليل يدوي حماسا
وفى أرض المعارك ديمة الناس يدقو نحاسه
و الدين كرم و عشانو الموت نكوسو كواسا

إن لاح البدر في العين لازم تضارى نعاسا
وعين الرجال قسماً لى سيل الدموع دساسا
وقلب الرجال خازن محن تحلف تقول ترباسا
و نفس الكريم الطيبة فى الفردوس تتم أعراسا

هوى يا الناسي البلد برجالا كيف تنسى مين حراسا
ديل تاريخم مسطر كامل مكتوب وسط كراسا
و الناس البجونا عديل بالروح نطيب انفاسا
وتبقى المشاغل بينا وسط الحجج وناسا

أما البجيبو اللوم تبقى الجزم هى مداسا
و الناس البتخطا علينا أصلو الهزيمة لباسا
الناس فى أصعب موقف ما بتدنقر راسا
و الرجل الشجاع بحقيقة يفخر بصوت أجراسا

و الموت البغربل ناس أمات قلوب حساسا
لو كان قضتو رسالة نحنا الكرب دراسا
الشاف نجوم الليل يبقى الشمس ما كاسا
و لو شافا وسط الليل دنيتنا تم مقاسا

نحنا ما بنقول و السوايا ما حداثا
وما بيقنعنا إلا المنطق و الشي الغلط نتناسا
و الصاح نموت فى دربو و الدقرى ما بتواسا

ربيع حمامه
03-01-2012, 05:17 PM
الحافظ آاخوي سيد القوم
شفته لي حلما في النوم
بدورك تديني ليهو تفسير هذا اليوم
ودالاراك الجنا النشيط وحرك
جاء ماري فينا راكبلو كلك
والكلك شدة ماهو ملك
في الاريل رباط بيرقا ابيض بي سلك
وبصوتا عالي بقول يا سين الحقني
انا درك

حافظكو
03-01-2012, 09:00 PM
داير اقول بالحيل نحنا المعزة أساسا

ونفس الغيور الحي بالليل يدوي حماسا
وفى أرض المعارك ديمة الناس يدقو نحاسه
و الدين كرم و عشانو الموت نكوسو كواسا

إن لاح البدر في العين لازم تضارى نعاسا
وعين الرجال قسماً لى سيل الدموع دساسا
وقلب الرجال خازن محن تحلف تقول ترباسا
و نفس الكريم الطيبة فى الفردوس تتم أعراسا

هوى يا الناسي البلد برجالا كيف تنسى مين حراسا
ديل تاريخم مسطر كامل مكتوب وسط كراسا
و الناس البجونا عديل بالروح نطيب انفاسا
وتبقى المشاغل بينا وسط الحجج وناسا

أما البجيبو اللوم تبقى الجزم هى مداسا
و الناس البتخطا علينا أصلو الهزيمة لباسا
الناس فى أصعب موقف ما بتدنقر راسا
و الرجل الشجاع بحقيقة يفخر بصوت أجراسا

و الموت البغربل ناس أمات قلوب حساسا
لو كان قضتو رسالة نحنا الكرب دراسا
الشاف نجوم الليل يبقى الشمس ما كاسا
و لو شافا وسط الليل دنيتنا تم مقاسا

نحنا ما بنقول و السوايا ما حداثا
وما بيقنعنا إلا المنطق و الشي الغلط نتناسا

و الصاح نموت فى دربو و الدقرى ما بتواسا



الغالي عثمان علي سيد النّحاس الرزه
وعندك في القلوب والله حــــب ومعزة
يا ود الكرام أهل الكـرم والفخر والعزة
ثابتين دوام في الحـارة مافي زولا فزا


مرحب بيك كتير في راكوبتنا وما تطول الغيبة

حافظكو
03-01-2012, 09:07 PM
الحافظ آاخوي سيد القوم
شفته لي حلما في النوم
بدورك تديني ليهو تفسير هذا اليوم
ودالاراك الجنا النشيط وحرك
جاء ماري فينا راكبلو كلك
والكلك شدة ماهو ملك
في الاريل رباط بيرقا ابيض بي سلك
وبصوتا عالي بقول يا سين الحقني
انا درك

ربيع اخوي عبد الرحيم شكلو مدروش بالقراية
اسألوا الكريم يحفظو ويبلغو المرام والغايــــــة

ام نسمه
03-01-2012, 09:19 PM
بطني مغلباني متين املاها تاني

متين ياربي اشبع واتمتع بالاغاني

مره كنت نايم حلمان بي نفسي عايم

في حلة ام رقيقه متوسط الولايم

والعجب العجيبه اخم الكسره اجيبا

من جوعي العلي قرشت القرقريبه

ربيع حمامه
03-01-2012, 09:29 PM
ام نسمة دي حالة عجيبة
يصعب علينا تطبيبة
ظنيتك نمتي في الاسبلت ضربتي الترطيبة
دواءك هين هنين من كسرتا دبيلية
اسألي الحافظ من مسيد وحسونة اجيبة

ربيع حمامه
03-01-2012, 09:39 PM
ود الاراك الليلة بجلالو جانا سعي
علي العشاء قال لينا داعي
يا الحافظ كلم الشلة تجي مسراعي
زولك حالف بي سيدي الرفاعي
اشبعنا مندي وكنتاكي
ونهضم بي لبن المراعي

ام نسمه
03-01-2012, 09:45 PM
ههههههههههههههههههه تبقوا شعراء براكم انا والله مشتهيه لي ام رقيقه بي كسره حاااااااااااااااره بي لحمة بلدنا الحلوه دييييييك عشان كده الفتها ههههههههههههههه

حافظكو
03-01-2012, 10:06 PM
بطني مغلباني متين املاها تاني

متين ياربي اشبع واتمتع بالاغاني

مره كنت نايم حلمان بي نفسي عايم

في حلة ام رقيقه متوسط الولايم

والعجب العجيبه اخم الكسره اجيبا

من جوعي العلي قرشت القرقريبه

يا هلا يا هلا يا هلا يا هلا والله مبسوط بسطة

ام نمسة بجلالة قدرها تجي الراكوبة وتنِم وتقول شعر

*******
ويا ام نسمة انشاء الله تجي وتاكلي كسرة من الصاج
عليها ملاح أم رقيقة وام دقوقة ونعيمية فيها نتاج
وتاكلي وتشبعي تب لا جوطة لا ازعاج
وبعد الشبعة تمسكي كباية شاي كبيييييييييرة وتشربي بمزااااااااااااااااااج

ربيع حمامه
03-01-2012, 10:08 PM
ههههههههههههههههههه تبقوا شعراء براكم انا والله مشتهيه لي ام رقيقه بي كسره حاااااااااااااااره بي لحمة بلدنا الحلوه دييييييك عشان كده الفتها ههههههههههههههه

شاحد الكريم العطاي
تشبعي كسرتا مفركتة بي عكو
وشطتة خضراء بالالتي والدكو
تتمياها مويةباااااارة من الركو
ما بقروش ملح ســـــــــــاي
وفي ضل الحرازة تشربي القهوة والشاي

تخريمة
دحين الحرازة في ولا قطعتوها السؤال لـ لحافظكو

ام نسمه
03-01-2012, 10:19 PM
مشكوووووووووووووورين اخواني العزاز والله شبعتوني كسره وملاح

انشاالله تركبوا الطياره ام جناح وتجونا

نضيفكم بارتياح وتاكلوا وتحلوا بالكيوي والتفاح

ربيع حمامه
03-01-2012, 10:32 PM
ام نسمة
نتشكرك علي الاندياح
شن بندور بالكيوي والتفاح
كفانا نسيما باراااااااارد نشمو في ام رباح
ودعوات حبوبة لما نتلب العتبه الصباح
اسالي الله اكتب لينا حجة بام جناح

حافظكو
03-01-2012, 10:32 PM
شاحد الكريم العطاي
تشبعي كسرتا مفركتة بي عكو
وشطتة خضراء بالالتي والدكو
تتمياها مويةباااااارة من الركو
ما بقروش ملح ســـــــــــاي
وفي ضل الحرازة تشربي القهوة والشاي

تخريمة
دحين الحرازة في ولا قطعتوها السؤال لـ لحافظكو

استاذنا الحبيب الحرازة تراث أصلو ما بـننساها
صمدت في وجه السيل وفي النهاية وقعت براها
وثابتة جذورها وضقل كبيـــر ما بتشوف بوراها
والحمد لله وقت البرد يقعدوا الجميــع في ضراها


وهذه آخر صورة للحرازة بعد أن وقعت وأصبحت (ضقل) ثابت
http://www.jabalalawlia.com/upload//uploads/images/domain-f23f523c48.jpg

حافظكو
03-01-2012, 10:37 PM
من منا لا يعرف عمنا مبارك ابراهيم هذا الشاعر الذي أعتبره من فحول الشعراء
وهذا الرجل هو الذي أسهم في انطلاقة هذا البوست وله مساهمات كثيرة فيه
وأنا اتصفح في مكتبته أعجبتني هذه القصدية فأحببت أن أضيفها لكم ...

نحنا سودانيين والبلد بشبهنا / شعر مبارك إبراهيم
,,,,,,,,,,,,,,,,,,,,,,,,,,,
نحـــــــــــــنا ســـــــــــــــودانييــــن والبـــــــــــــلد بشبهنا
نـحـنـا مــــا فـيـنــا زولا رِمًــــة بــيــن الـبـريــة فـضـحـنـا
نحـنـا الـبـي الشـهـادة والـصــلاة عـلـي الـرسـول صدحـنـا
يمـيـن كـضـاب الـفـي أخلاقـنـا مـــا قــال كـــلام ومـدحـنـا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
نـحــنــا الـــبـــي غـنـمــنــا وبــــــي بـهـمــــنــا ســرحــنــا
نــحــنـــا الــــلــــي ضــــيــــف الـهـجــيــعــة ضــبــحــنــا
الــدايـــر الـحُــجــة بـــــي الــحُــجــة لــيــهــو شــرحــنــا
ونــحــنـــا لـــــــي الــبــجـــرح عــروضــنـــا جــرحـــنـــا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
نــحــنـــا مــــــــن ولــــدونــــا مـكـحــلــيــن بــالــشــطــة
ونـحـنـا سـاعــة الـحــارة مـــا بـنـعـرف يـمـيـن الـرقـطــة
الــدايـــر الـــــدُواس فـــــي تـأريـخـنــا بـبــقــي مـحــطــة
والــدايــر الــســلام إجــيــب مـعـاهــو ورقــــوا وشـنـطــة
,,,,,,,,,,,,,,,,,,,,,,,,,,,,,,,,,,,,,,,,,,,,
نـحــنــا مـهــمــا نـخـتـلــف أخـلاقــانــا مــافـــي مـثـيــلــة
ونـحـنــا فــــي بــلـــد الـخــيــر الـديــمــة دافـــــق نـيــلــه
ونــحــنــا بـنـاتــنــا ســمــحــات زي بـــنــــات الــريــلـــة
مـوشـحــات بــــالأدب وصـــــون الــعـــروض وفـضـيـلــة
,,,,,,,,,,,,,,,,,,,,,,,,,,,,,,,,,,,,,,,,,
نـــحـــنـــا الـــبـــيـــن الأمـــــــــم زايـــــــــع صــيــتـــنـــا
ونـــحــــنــــا بـــــنــــــورط الـــــبــــــدور تــوريـــطـــنـــا
مـــــا بـنـفـتــش لـــــي الــشــبــك ولا بـنـشــلــع بـيـتــنــا
لـــكـــن بـنـطــلــع زيــــــت الـــدايـــر يــطــلـــع زيــتــنـــا
,,,,,,,,,,,,,,,,,,,,,,,,,,,,,,,,,,,,,,,,,,,
الـسـودان ده حقـنـا كلـنـا مـافـي زول إقـــول أنـــا سـيــدو
ومـــافـــي زول يـعـمـلـنــا ســـيـــد والـبـقــيــة عــبــيـــدو
الــبـــدور رفــعـــت وطــنـــا ورفـعـتـنــا ربـــــي إزيــــــدو
والـدايــر يـغـتـس حـجـرنـا فـــي الـجـنـة يـنـجـع صــيــدو
,,,,,,,,,,,,,,,,,,,,,,,,,,,,,,,,,,,,,,,,,,,,,
يــانـــاس هـــــوي أنــبـــذوا حــاجـــة إسـمــهــا قـبـيــلــة
خـلـونــا فــــي إسـلامـنــا وسـودانـيــة بـاقــيــة أصـيــلــة
وإخـتــاروا الـقــوي الأمــيــن والــمــرأة تـبـقــي وزيــــرة
عشان يتم عرس السـودان ونبقـي نـاس البطـان والسيـرة

ربيع حمامه
03-01-2012, 10:48 PM
الحافظ
الحرازة قيمة بتهيج فيني الحكايات القديمة
لما كنا نزور ود السراج وحبوبة حليمه
اهل حبوبتنا بت الحاج المراة الهميمه
موت الحرازة سبب لي اليمه
ماتنسو ذكراها اغرسو مكانه نيمه

ام نسمه
03-01-2012, 11:02 PM
البجراوية انا عاشق ذاتك *** أرضـك نيــلك اهــرامـاتك
يا زمـلاي يلا سوية نزور *** فيها المــنطقة المـــروية
آلاف السنين مـحسوبك *** والمعماري هندس طوبك
من الدر مـــلانة جـــيوبك *** والســيال خــلط لالـــوبك
دا السودان بعرف اعلامك *** والتاريخ حفظ لي مـقامك
دمتي غريرة في أحلامك *** القــمرة البضوي ظــلامك

ام نسمه
03-01-2012, 11:03 PM
البجراوية انا عاشق ذاتك *** أرضـك نيــلك اهــرامـاتك
يا زمـلاي يلا سوية نزور *** فيها المــنطقة المـــروية
آلاف السنين مـحسوبك *** والمعماري هندس طوبك
من الدر مـــلانة جـــيوبك *** والســيال خــلط لالـــوبك
دا السودان بعرف اعلامك *** والتاريخ حفظ لي مـقامك
دمتي غريرة في أحلامك *** القــمرة البضوي ظــلامك

ربيع حمامه
03-01-2012, 11:16 PM
البجراوية انا عاشق ذاتك *** أرضـك نيــلك اهــرامـاتك
يا زمـلاي يلا سوية نزور *** فيها المــنطقة المـــروية
آلاف السنين مـحسوبك *** والمعماري هندس طوبك
من الدر مـــلانة جـــيوبك *** والســيال خــلط لالـــوبك
دا السودان بعرف اعلامك *** والتاريخ حفظ لي مـقامك
دمتي غريرة في أحلامك *** القــمرة البضوي ظــلامك

الله،الله عليك ام نسمة سلمت يدك غلبتني تب انا مارق
وعقب ان حينا في ضل الراكوبه ام همريبا بااااااااااااااااااااار
بلقاكم مع ريحة القلوة لبن الضان المقنن
وغباشة روب لا حليب الصافي ولا لبن المراعي
فراخ الوطنية والتفاح والكيوي دي مافي ليها داعي
نبق سدرتنا ولالوب وسعن عليهو قرعة
وعنقريب اقعد عليهو واخلف كراعي
تركتكم عافية وفي امن الله،،،،،،،

ام نسمه
03-01-2012, 11:45 PM
ومني السلام ما غنا شادن أو رطان
ومني السلام ما دنا بفارق الاقطان
هااكم دي :
كــعب ريد الصغيرة الجاهلة
ان جاك في الكبر بضيق عليك الماهلة
الزول في المشيب يسعالو شيتاً ساهلة
مايبرى الصعاب فيها المخاطـر باهلة

ربيع حمامه
03-02-2012, 12:04 PM
ام نسمة نضمك بشوفو ماهو زين
سمح ريد الجاهلة ام عيونا كاحله
في التكنلوجيا تديك دروسا ساهلة
في تعطيش الجيم بالحيل فالحـــة
ديمه في الفيس تلقها داخلة
ان جلس معاها في الدردشة
تنسيك العشرة وحتي العايلة

عثمان علي
03-02-2012, 01:12 PM
ام نسمة
نتشكرك علي الاندياح
شن بندور بالكيوي والتفاح
كفانا نسيما باراااااااارد نشمو في ام رباح
ودعوات حبوبة لما نتلب العتبه الصباح
اسالي الله اكتب لينا حجة بام جناح

ههههههههههه
ابشر بالخير يا ود الحاج وصدقت القول
ويارب تنكتب ليك الحجة و يارب ما تحرمنا من الكيوي و التفاح
قولوا ااااميييين

وما شاء الله يا الحافظ ديوانك بقى عامر تب
وربنا يزيد و يبارك

ربيع حمامه
03-02-2012, 11:10 PM
ههههههههههه
ابشر بالخير يا ود الحاج وصدقت القول
ويارب تنكتب ليك الحجة و يارب ما تحرمنا من الكيوي و التفاح
قولوا ااااميييين

وما شاء الله يا الحافظ ديوانك بقى عامر تب
وربنا يزيد و يبارك

مشكور عثمان لك تحياتي مبروك المولود يربة في عزكم
مرور انيق وحضور رائع واضيف شكري للحافظ

حافظكو
03-03-2012, 12:24 PM
أهلنا وأحبابنا والله شرفتونا كتير

حبابكم جميعا استاذنا عيون يراع
وبك الراكوبة عرفنا دروبة


الاخت أم نسمة الشاعرة الجديدة
والتي ابرازت مواهب كبيرة


استاذنا عثمان على الاداري القدير
راكوبتنا بيك من الفرحة عايزة تطير

عثمان محمد حامد
03-03-2012, 02:06 PM
سلام يا ناس سلام
الغيبه فعلا" طالت
وشماعة الظروف
من عذري لما"مالت
السبب القبيل
خلفو الهموم اتوارت
بيكم بنجلي
وبتجف دموعي السالت

ام نسمه
03-03-2012, 08:51 PM
اخوي ربيع ماتكون صغيرة وجاهله

شويه كبيرة فاهمه

ماالحنكوشه المتصنعه ولي شعرا ديمه باهله

كلاما كلوا كضب وبنية فاجره وقاهره

تخلي ايامك ندم وكل يوم تشيل للدنيا هم،

.إيه فايده الأسي والعذاب هوالزول بعيش في الدنياكم.

ربيع حمامه
03-03-2012, 10:08 PM
ام نسمة
الصغيرة ست الفهم
قارية الحياة كتاب وقلم
مشيته تقول عتود البرم
في الميك اب مكملة الفهم
في كفها راسمها قليب قاديهم سهم
بسمته بتزيل الالم
تندمك علي عمرك الفات عليك وهم

واهدي اليك هذه
ياعمو لا ثمانين سنه ان جابة للعشرين سنه
وان جاب شجرة القرض جمب السوسنه
ناسي الرطوبة في العظام والسكري الكم صليب
ياعمو لو داير تبقي جوز
شوفلك شمبانزي ما عجوز من دورك او اصغر يجوز

ام نسمه
03-04-2012, 04:00 PM
بنوت دار جعل للعفة رأس ودليل
حارات صهلهن وقعن كواني النيل
مابنقدر نجازيهن قدر مانكيل
شكرا ليهن الخلن لسانا طويل

حافظكو
03-04-2012, 08:15 PM
سلام يا ناس سلام
الغيبه فعلا" طالت
وشماعة الظروف
من عذري لما"مالت
السبب القبيل
خلفو الهموم اتوارت
بيكم بنجلي
وبتجف دموعي السالت


حبيبنا عثمان وينك يا رجل هجرت الراكوبة؟

الجبنة فاقداك كتيييييييييييييير

حافظكو
03-04-2012, 08:17 PM
بنوت دار جعل للعفة رأس ودليل
حارات صهلهن وقعن كواني النيل
مابنقدر نجازيهن قدر مانكيل
شكرا ليهن الخلن لسانا طويل

فيها بنات جعل حفظن عروضن صاح
لبعن صرة النيــل حاكن التـــــــمساح

حافظكو
03-04-2012, 08:24 PM
اسد الكداد .... شعر رقية أخت ود حبوبة

بتريد اللطام أسد الكداد الزام
هزيت البلد من اليمن للشام
سيفك للفقر قلاّم

*****

ديّم فى التقر أنصارو منزربين
بالصفا واليقين حقيقة أنصار دين
بالحرب أم طبائق قابلو المرتيين
فى وش المكن رقدوا التقول نايمين

*****

ديّم فى التقر أنصارو زاربنو
بعهدوا القبيل بي عيسى تاهمنو
إتلموا العمد ليهم نقر سنو
الهوج والشرق طار المنام منو

*****

ديّم فى التقر قال العمير للسوم
القوي والضعيف من عينو طار النوم
الكفرة النجوس ما بختوا من اللوم
حجرت الدرب خليت جمالهم تحوم

*****

الأسد النتر وقال الدين منصور
لمولو الأورط جابوهم بالبابور
العمد الكبار كلامهم بقى مدحور
كم فقشت مدير وكرمت بالمأمور

*****

الأسد النتر بي جيهة الأبقار
لمولو الأورط شايلين سلاح النار
ود حبوبه قام ورتّب الأنصار
فى متفيه ديك كم شبعن صقّار

*****

الإعلان صدر واتلمت المخلوق
بي عيني بشوف أب رسوه طامح فوق
كان جات بالمراد واليمين مطلوق
ما كان بتشنق ود أب كريك فى السوق

*****

الإعلان صدر وإتلمت الحلال
نصبولوا السلاح وإتكرنف الخيال
قدر الله الحصل والزمن ميّال
منسول من أبوك ماك ود حرام دجّال

*****

بتكلم بقول بوريك شّن حسبو
نايبو السنين منّو الرجال حسبو
كل الخاصموك فى الآخره ما كسبو
التبعوك جنود لله انتسبو

*****

رضوان الإله تملأ الضريح كافور
مسك الرحمه لاح منو يلوح النور
أغفر سيئات كل من يجيك يزور
فى الفردوس هناك يتمنى مهما يدور

عثمان محمد حامد
03-04-2012, 10:21 PM
حبيبنا عثمان وينك يا رجل هجرت الراكوبة؟

الجبنة فاقداك كتيييييييييييييير
راكوبتك اكيد حافظكو ما بهجرواها
بيك وبي الرفاق عامره وطربني شدوها
القهوه القبيل كل الخلوق رادوها
ان راد الكريم باكر بجيك  سوها







ربيع حمامه
03-05-2012, 01:38 AM
تفتقت شاعرية الجعليه ام نسمه وابدت براعه في الرباعيات اجادت في المسادير طبعا بعد ان استفيذت شاعريتها لاني اعلم انها جعليه حمشه وبنات دار جعل تب مابرضن الاعوج ذمان حبوبتي بت المك قالت حلو الكلام بعد ان استفزتها ميتت اخوها ام رمدا شح كيف تمنح علي زولا مات في سريرو دايرهو لي يوم لقي ولي المفخرة وهكذا هي الجعليه بلعت الطعم واجادت في الرد بسيف جدها المك .
تسلمي ام نسمه علي رباعياتك الرائعه.

رد علي الجاهله
دي عبقرية ذمانها بارعه في لوك اللبانه
الطرحه في الكتيف مجدعه والجوال مابفارق اضانه
لا بتحترم كبارة لا بتوقر صغاره
ما روميو ماخذ من قلبها اكبر مكانه
صدقتي ام نسمه الرزينه وعاقله تلت مابتجي في مقامه

ام نسمه
03-05-2012, 12:54 PM
(مشكور اخوي عيون ايراع بعمل ليك في واحده بس لسه مااكتملت )الفت دي مقطع للبجراوية
ا ل ب ج ر ا و ي ة
بالالف ابتديت شارحه كلامي جميل
باللام لوعة للبجارة الكرمهم سيل
بالباء باكيه فيك يادرة ولاية النيـــــل
بالجيم جنة الدنيا ونعيمــــها سبيل
بالراء ربنا يحفظك لي عين الحسود ويكيل
\بالالف اهوى نسامك يجيني عليل
بالواو واحشاني ديار بجر بالحيل
بالياء ياعشقنا الابدى وليك ريدنا نبيل
بالتاء تاني عودة ومالقيت للبجارى مثيل

حافظكو
03-05-2012, 03:05 PM
راكوبتك اكيد حافظكو ما بهجرواها
بيك وبي الرفاق عامره وطربني شدوها
القهوه القبيل كل الخلوق رادوها
ان راد الكريم باكر بجيك  سوها


هلا والله أخونا عثمان

راكوبتنا الديـمة عامرة بـي ناسا
وجبنتنا الكبيرة الليلة دق نحاسا
عندنا اللبـــــن والروب والغُباشا
ما بنفوتا تــــب والله كلا وحاشا

حافظكو
03-05-2012, 03:10 PM
تفتقت شاعرية الجعليه ام نسمه وابدت براعه في الرباعيات اجادت في المسادير طبعا بعد ان استفيذت شاعريتها لاني اعلم انها جعليه حمشه وبنات دار جعل تب مابرضن الاعوج ذمان حبوبتي بت المك قالت حلو الكلام بعد ان استفزتها ميتت اخوها ام رمدا شح كيف تمنح علي زولا مات في سريرو دايرهو لي يوم لقي ولي المفخرة وهكذا هي الجعليه بلعت الطعم واجادت في الرد بسيف جدها المك .
تسلمي ام نسمه علي رباعياتك الرائعه.

رد علي الجاهله
دي عبقرية ذمانها بارعه في لوك اللبانه
الطرحه في الكتيف مجدعه والجوال مابفارق اضانه
لا بتحترم كبارة لا بتوقر صغاره
ما روميو ماخذ من قلبها اكبر مكانه
صدقتي ام نسمه الرزينه وعاقله تلت مابتجي في مقامه

الحمد لله بقينا زي ناس خيمة الحردلو
ودي خيمة حافظ عليها الجميع ينهلّــو
ناس استاذ ربيع وام نمسة ديمة يطلو
يتحفونا بالدوبيت وكلاماً ظريـــفاً حلّو

حافظكو
03-05-2012, 03:17 PM
(مشكور اخوي عيون ايراع بعمل ليك في واحده بس لسه مااكتملت )الفت دي مقطع للبجراوية
ا ل ب ج ر ا و ي ة
بالالف ابتديت شارحه كلامي جميل
باللام لوعة للبجارة الكرمهم سيل
بالباء باكيه فيك يادرة ولاية النيـــــل
بالجيم جنة الدنيا ونعيمــــها سبيل
بالراء ربنا يحفظك لي عين الحسود ويكيل
\بالالف اهوى نسامك يجيني عليل
بالواو واحشاني ديار بجر بالحيل
بالياء ياعشقنا الابدى وليك ريدنا نبيل
بالتاء تاني عودة ومالقيت للبجارى مثيل

ام نسمه الكريمة اضافة ليـــــنا حقيــقة
في راكوبتنا جات بي همة شاقّة طريــقا
دائما في سماوات الشعر الأصيل تحليقا
عالمة ودارسة باللغة وقواعدا وتطبيـقا

ام نسمه
03-05-2012, 06:50 PM
(اخوي حافظ)اريتك تبقي ذي ماتريد

واريتني اعرف انمق فيك احلي قصيد

اخوي حافظ للمديح ونشيد

وداخل مع الخلاوي مسيد

حفظتوا ولسه فيهو تعيد

اهديك احساس اخوه للمحبه جديد

واكتب ليك كلاماوكت تقراهو تبقي سعيد

حافظكو
03-05-2012, 08:36 PM
(اخوي حافظ)اريتك تبقي ذي ماتريد

واريتني اعرف انمق فيك احلي قصيد

اخوي حافظ للمديح ونشيد

وداخل مع الخلاوي مسيد

حفظتوا ولسه فيهو تعيد

اهديك احساس اخوه للمحبه جديد

واكتب ليك كلاماوكت تقراهو تبقي سعيد

الله عليك يا ام نسمة تفجرت موهبتك الشعرية وأهدت لنا دررا من الكلام

لك التحية والتقدير

حافظكو
03-05-2012, 09:02 PM
نحن بناتنا بنات العــــــزة والتقديــــر
ونحن بناتنا ستات العفاف بالحيــــــل
ونحن بناتنا وقت الزنقة شدن حيــــل
خمجن الموج وغرقن جوه فوق النيل

ود الاراك
03-05-2012, 09:45 PM
سلام كتييييير علي كل الاحباب
القدام والجداد وكل اهل البلاد
شنو يانااااس الظاهر كترنا الغياب
يا حافظ ان شاء الله راكوبة مافيها باب
عشان الكل يدخل فيها من غير اي ارتياب
ويقطع قطع اخضر وينم ويقول كلام ما فيهو ضباب

ام نسمه
03-05-2012, 10:42 PM
(اخي عيون ايراع)عجزت عن كل الكلام وكل القصائد اذ تقال

ياايها الشاعر كيف نهديك شعرا وانت شاعر كل المقاطع والخيال(مدونتك كلام الطير في الباقير)

لا يشبهونك من قالوا شعرا ولن يشبهونك في الخصال

حافظكو
03-05-2012, 10:44 PM
سلام كتييييير علي كل الاحباب
القدام والجداد وكل اهل البلاد
شنو يانااااس الظاهر كترنا الغياب
يا حافظ ان شاء الله راكوبة مافيها باب
عشان الكل يدخل فيها من غير اي ارتياب
ويقطع قطع اخضر وينم ويقول كلام ما فيهو ضباب


حبابك ود الاراك ومبسوطين بي رجعتك وحمد لله على السلامة

ونحن راكوبتنا ديـــــــمة فاتح بابا
باســط ضلها ولامة كل احبـــــــابا
والجبنة اللذيـــــــذة ديـــمة نتهنابا
طيبين عشرة والشينة ما بنرضابا

ربيع حمامه
03-05-2012, 11:23 PM
ام نسمه سمح نمك سمح قولك الماهو اشتر
درر منثوره روايع كلاما احلي وانضر
خاته الشكره في اخوانك تقطي في العود الاخضر
كل ما نقول اكتفينا تذيدينا اكثر واكثر
تسلمي سليلت دار جعل ابواتك قبيل في الكرم والشجاعه
فاتو عنتر
××××××××
الحافظ رد التحيه للبت الجعليه
في الدقشيه خليها في النيه
في الرميه بي يس ارقيها
وفي السبع سولها عزيمتا قويه
وفي العرضه بدعواتك كون طاريه
محل تمشي الاله الكريم يفتحه عليها
والفي مراده يحققو ليها،،،،

مساء
03-06-2012, 07:24 PM
الشاعر محمد الحسن بن عوف بالعافية
كاتبلو مسدار حسن فى كتابتو القافية...
لام فيه الرئيس عكرلو كل الصافية
قال هو مسئوول من كل ظاهرة وخافية...
...
قال البشير سوا العمار فى جوامع
متناسى الكبارى والابراج ام قزازا لامع
وقال كان يسويلو مدارس فى اكتر من السوهن قال طامع..
هى يا اخوانى النصيحة بقت مابتلقلا سامع؟؟؟
فى عمارا بيعجب اكتر من سواة الجامع؟؟؟


عساكم طيبين اهل الدار؟

عثمان محمد حامد
03-06-2012, 07:32 PM
هلا والله أخونا عثمان

راكوبتنا الديـمة عامرة بـي ناسا
وجبنتنا الكبيرة الليلة دق نحاسا
عندنا اللبـــــن والروب والغُباشا
ما بنفوتا تــــب والله كلا وحاشا

حافظ اخوي كرمك ديمه بحرو اغرق
وخيرك كبه زي وابلا" برقو مشرق
القهو ام عرق قدامه جيت متبروك
كب البكري وتان اتن فيها وابرك

حافظكو
03-08-2012, 09:27 PM
الشاعر محمد الحسن بن عوف بالعافية
كاتبلو مسدار حسن فى كتابتو القافية...
لام فيه الرئيس عكرلو كل الصافية
قال هو مسئوول من كل ظاهرة وخافية...
...
قال البشير سوا العمار فى جوامع
متناسى الكبارى والابراج ام قزازا لامع
وقال كان يسويلو مدارس فى اكتر من السوهن قال طامع..
هى يا اخوانى النصيحة بقت مابتلقلا سامع؟؟؟
فى عمارا بيعجب اكتر من سواة الجامع؟؟؟


عساكم طيبين اهل الدار؟


أختنا الغالية مساء مرحب بيك وحبابك في راكوبتا خشي لي جووووووووووه

واشربي ليك فنجان قهوة باقي لي متقريفة خلااااااااااااااااص


أختنا مساء الليلة جاتنا وشرفت لي ديــــارنا
بت الأصول والعــــزة الليــــلة دخــــلت دارنا
مرحب بيك كتير يا البيك سمــــح مســـــدارنا
وباذن الله الكريم بي جيـتك ديمة مولعة نارنا

حافظكو
03-08-2012, 09:42 PM
حافظ اخوي كرمك ديمه بحرو اغرق
وخيرك كبه زي وابلا" برقو مشرق
القهو ام عرق قدامه جيت متبروك
كب البكري وتان اتن فيها وابرك

عثمان اخوي سيــــد النــــحاس الرزه
في يوم الدواس تب ما بعرف الفــــزة
بحر الدميرة الموجو فاض وعم ونزه
ود الرجال اهل الكرم والثبات والعزة

مساء
03-10-2012, 05:31 AM
أختنا مساء الليلة جاتنا وشرفت لي ديــــارنا
بت الأصول والعــــزة الليــــلة دخــــلت دارنا
مرحب بيك كتير يا البيك سمــــح مســـــدارنا
وباذن الله الكريم بي جيـتك ديمة مولعة نارنا


حباب الحافظ الفذ المكرّم ضيفو
حبابو الراش خيرو غيث فى شتاهو وصيفو...
حبابو الفازع الندهت وشارع سيفو..
حبابو الشبع اللم فى البرد البفّلخ زيفوو

مساء
03-10-2012, 05:35 AM
يقص عمرى آآ الراسية ان فى يوم هويت انا غيرك..
.يا السامقة النخيل مابشابى شدة حيلك....
يا الدافرة الرواسى وجارفة موجة سيلك..
.ارحمى ها القليب الما بميل لى غيرك!

عثمان محمد حامد
03-10-2012, 01:40 PM
عثمان اخوي سيــــد النــــحاس الرزه
في يوم الدواس تب ما بعرف الفــــزة
بحر الدميرة الموجو فاض وعم ونزه
ود الرجال اهل الكرم والثبات والعزة


ما بنعلاك حافظ اخوي انت الحاجب
كرم فاض وممكن ليهو حاتم اقارب
سمعنا نحاسك آ الزول البعرف الواجب
ومن عهدا" قديم في الحاره ساسك ضارب

عثمان محمد حامد
03-10-2012, 09:18 PM
يقص عمرى آآ الراسية ان فى يوم هويت انا غيرك..
.يا السامقة النخيل مابشابى شدة حيلك....
يا الدافرة الرواسى وجارفة موجة سيلك..
.ارحمى ها القليب الما بميل لى غيرك!

تحياتي اختي مساء وانت دوما" مبدعه
ولكني علي عكسك اقول لها
يقص عمري آآ الرايسه ان في يوم رجع لي ريدك
دليت النجوم رصيته ليك في جيدك
وقصرته اللحاف شان يوصلن مديدك
بس يا ريتي بس  يا ريتني ما حبيتك

حافظكو
03-12-2012, 08:36 PM
تحياتي اختي مساء وانت دوما" مبدعه
ولكني علي عكسك اقول لها
يقص عمري آآ الرايسه ان في يوم رجع لي ريدك
دليت النجوم رصيته ليك في جيدك
وقصرته اللحاف شان يوصلن مديدك
بس يا ريتي بس  يا ريتني ما حبيتك

ابداع والله يا أخوي عثمان عليك الله ما تنقطع مننا

ام نسمه
03-14-2012, 02:38 AM
نحن مابنرضي المزله..مابنخاف من ناس ازله...
نحن ماعضمتنا مره...ونحن ماصدر المجله...

نحن ماالحنيه فينا..ونحن بالحب ارتوينا...
للوطن الدم سقينا..مابنفرط من ربينا....

البدور الخير نكاتفو..والبدور الشر نداوسو...
بينا يلقي الضيف مكانتو... والبخرب الصف نكاتلو...

نحن عنوان للرجاله..ونحن مقياس للبساله..
ونحن مااصل الاصاله..ونحن ماعدل العداله.

ام نسمه
03-14-2012, 02:42 AM
لينا الحق نقيف وسط الشعوب نتفشر
وفوق الطول نطول والطول يشوفنا ويقصر
مين الزيّنا كل ما إنذكر إتشكر
ومين دلّ القمر غيرنا ومكانو إتحكر
...
... المجد إن وقف بلقانا ساسو وراسو
والعز من قديم بينا إنفتح كراسو
من قمنا الكرم بيناتنا داير كاسو
العدو والصليح من توبنا يلقى مقاسو
.....
وسرنا كان صفينا الزول بنلحسو كلو
وعاقلنا إن عكر مجنون يكاتل ضلو
الكايس العدل عوجو بنمسكو نحلو
والكايس العوج قبال نكتلو نزلو

ود الاراك
03-14-2012, 09:10 AM
ما يهِمك كلام الناس وحاتك إنتي ما ناسي
أنا البحسِب عشان ألقاك ثواني الفرقة وأنفاسي
وعارف لوعتك يا روح كيفن إنتي بتقاسي
وأعمل إيه مع الأيام مع قلبي وصباباتو
***
مراسيك وين عشان أرتاح وأعِوض قلبي عن صبرو
معاك بحصِد من الأفراح حصاد زولاً زرع عُمرو
أنا الراجيك ولي جِراح مُناي بي إلفتك يبرو
والآقيك في زمن نشوان تصُب للحب غماماتو

ربيع حمامه
03-16-2012, 11:46 PM
نحن مابنرضي المزله..مابنخاف من ناس ازله...
نحن ماعضمتنا مره...ونحن ماصدر المجله...

نحن ماالحنيه فينا..ونحن بالحب ارتوينا...
للوطن الدم سقينا..مابنفرط من ربينا....

البدور الخير نكاتفو..والبدور الشر نداوسو...
بينا يلقي الضيف مكانتو... والبخرب الصف نكاتلو...

نحن عنوان للرجاله..ونحن مقياس للبساله..
ونحن مااصل الاصاله..ونحن ماعدل العداله.

كعععععععععععععععععععع ابشررررررررررررررررررررري بالخير ن دارجعل الكلام جاء

حافظكو
03-20-2012, 03:45 PM
لينا الحق نقيف وسط الشعوب نتفشر
وفوق الطول نطول والطول يشوفنا ويقصر
مين الزيّنا كل ما إنذكر إتشكر
ومين دلّ القمر غيرنا ومكانو إتحكر
...
... المجد إن وقف بلقانا ساسو وراسو
والعز من قديم بينا إنفتح كراسو
من قمنا الكرم بيناتنا داير كاسو
العدو والصليح من توبنا يلقى مقاسو
.....
وسرنا كان صفينا الزول بنلحسو كلو
وعاقلنا إن عكر مجنون يكاتل ضلو
الكايس العدل عوجو بنمسكو نحلو
والكايس العوج قبال نكتلو نزلو

هيييييييييييييييييييييييييييييييييع هلا هلا يا الجعلية مية مية والله

ام نسمه
03-20-2012, 04:01 PM
طريت الراكوبه بيها القلوب مفتونه
طريت صاحبا" الريدتواللرسول مدفونه
شان خاطر الولف ما صح العزاز يجفونا
بعد الحاله ديك الدنيا أم قدود مغبونه

حافظكو
03-20-2012, 04:30 PM
الليلة الجعلية جابت كلام سمح بالحيل
بت الأصول والرجال البعدلوا الميـــــل
ودائما كاربين الحزام وشادين الحيـــل
وقت الحارة راكبين فوق عواتي الخيل

حافظكو
03-24-2012, 02:24 PM
نِحنا سهمنا دايماً في المصادِف عالي
نِحـنا العِـندنا الخُلق البِِتاسع التالي
نِحنا اللي المِحن بنشـيلا مـا بنبالي
بِنلوك مُـرهِن لامِـن يجينا الحـالي

ود الاراك

عثمان علي
03-24-2012, 05:33 PM
نحنا السوادنه في المكرمات بنسابق
والقائلين طوال بلقونا فوقهم طابــق
حرم ناس خمج مافي القدرنا مطابق
بنفج ام لهيب في الحارة لينا سوابق
ماكلين القرض دابغنا في فشفاشنـــا
واب ريشآ نفش بندوسو بدراشنــــــا
والمو زول فزع حرم نمرقو طراشنا
لا بنحسب عليهو لا بنفرشلو فراشنا

ام نسمه
03-24-2012, 06:20 PM
اخوي عثمان ابدعت تعال ما تمشي هاك دي

نحنا أولاد جعل أهل المُلك بالأولى
وإحنا ملكنا معلوم خايلة فيه الصولة
وإحنا فارسنا بتختشيه الدولة
وإحنا الصاقعة كل الناس تقول لا حولَ

ام نسمه
03-25-2012, 02:32 PM
اها اخوي عثمان رائك شنو


نحن اولاد جعل جدنا العباس
البشتم عروضنا خصيمو خير الناس
الجاتو الصورمن فاتحتن لي الناس
دربنا مستحيل لا يغشكم خناس
باقي الناس جسد نحن القلب والراس

ام نسمه
03-25-2012, 08:40 PM
فوق الجبنه لملم صحابك وناسك
ياعثمان الليله راسي وراسك
بخت القول السمح اريتوا يبقي مقاسك

ام نسمه
03-25-2012, 08:46 PM
وكتين الجماعه زاغوا طشوا وفاتوا
نحرس لي عقابم ونستلف مخلاتم
ايدك ياالهميم نعدل فراش مصلاتم

ود الاراك
03-25-2012, 09:37 PM
بقول ليكم يا حافظكو وام نسمة

ما بنقطع يمين وما بفوتة ديارك
وكل يوم في مساحتك افتقد اخبارك
يا الحر الاصيل المابتضايق دارك
وقاعد تب عديييل لمن تقول لي خبارك

حافظكو
03-26-2012, 03:15 PM
اها اخوي عثمان رائك شنو


نحن اولاد جعل جدنا العباس
البشتم عروضنا خصيمو خير الناس
الجاتو الصورمن فاتحتن لي الناس
دربنا مستحيل لا يغشكم خناس
باقي الناس جسد نحن القلب والراس

البيت محروس وسيدو يكوس

والله يا ام نسمة راكوبتنا بيك عمرانة
والراكوبة الوسيعة الليلة جــد طربانة
وبالخير العميــــــم دائما دوام مليــانة
ام نسمة الهميمة الديـــــمة ما كسلانة

حافظكو
03-26-2012, 03:21 PM
كلامك سمح بالحيل يا أختي ام نسمه

وعايز ليهو بناً مقلي و قهوةً تعدل الراس


هيلنا اب دقن الا اب دقين مو هولنـــــــا
ما بنقبل نضم وكتين نقيف على طولنـــا
النية ننجضا تب وحرم نميز زولنـــــــــا

والدارنا اللجى وخليهو اليكضِب قولنــــا


عثمان ود على فارس العجاجا بكتــــــح
شدولو وركب فوق البـــــراهو بنـــــطح
وقت الشوف يشوف تلقاهو ديمة مفتـح
سيفك للخصيم يشقو ولي عضامو يفلخ

حافظكو
03-26-2012, 03:26 PM
بقول ليكم يا حافظكو وام نسمة

ما بنقطع يمين وما بفوتة ديارك
وكل يوم في مساحتك افتقد اخبارك
يا الحر الاصيل المابتضايق دارك
وقاعد تب عديييل لمن تقول لي خبارك

ود الأراك اخوي داري اصلها دارك
يا التلب اللزوم دائما عزيز مقدارك
يا الرجل الكريــم الديمة توقد نارك
نستمتع دوام بي حــــــلاة مسدارك

ام نسمه
03-27-2012, 12:33 PM
البيت محروس وسيدو يكوس

والله يا ام نسمة راكوبتنا بيك عمرانة
والراكوبة الوسيعة الليلة جــد طربانة
وبالخير العميــــــم دائما دوام مليــانة
ام نسمة الهميمة الديـــــمة ما كسلانة


سلا م اخوي سيد كلاما ماهو فشر
الزول بالحيل ينبسط من حديثا يسر
سواي فعايلن حقيقه مافيها ضر
طالبه الكريم من خيرو يخم ويصر

حافظكو
03-27-2012, 04:37 PM
سلا م اخوي سيد كلاما ماهو فشر
الزول بالحيل ينبسط من حديثا يسر
سواي فعايلن حقيقه مافيها ضر
طالبه الكريم من خيرو يخم ويصر

يا أم نسمة
سائل ربي يعطيك من خيرو لمن ترضـي
وتحبك كل الخلوق الفي السماء والأرض
ويزيل عنك الآلم والســـــــــقام والمرض
ويظلك بظلو يـوم القيامة ووقفة العرض

ام نسمه
03-28-2012, 04:01 PM
الراكوبه تتكلم
يومييين تمام ومافي زولا جاني
انشالله خير ومافي زولا عاني
غيابكم علي بالحيل شديد هماني
ادخلوا ياني فراجة همكم ياحباني

حسن فتحى حسن الزبير
03-28-2012, 05:12 PM
لبست ثوب العيش لم أســــــــتشر
وحرت فيه بين شتى الـــــــــــــفكر
وسوف أنضو الثوب عني يوما ولم
أدرك لماذا جئت، أين المـــــــــــــفر

ربيع حمامه
03-28-2012, 11:28 PM
الراكوبه تتكلم
يومييين تمام ومافي زولا جاني
انشالله خير ومافي زولا عاني
غيابكم علي بالحيل شديد هماني
ادخلوا ياني فراجة همكم ياحباني

بت العم سمح كلامه لاجابت قول لا في الفريق حوامه
انتي لاصل غيرك في الجرتق باقي تمامه
فاقاده لاخوانا لا بتعاتب لا لومه
نسال الكريم يحفظك ويظلك يوم القيامه

مشكورة علي تفقدك راكوبة العمدة بس غايبه اثر علي جلسة الجنبه

ام نسمه
03-28-2012, 11:32 PM
مرحب حبابكم جميع في الراكوبه
عناقريب وزيرا باااااارد معاهو رطوبه
كل زول يقول العندو والغلطه مامحسوبه
دخلتكم عليها يااخواني بالحيل محبوبه

ربيع حمامه
03-28-2012, 11:43 PM
من زيركم مويتا باااااااااااااااااااارة روينا
والغلطه الله لايجيبه اياكي يا الركوبه بتعزينا
بي اخوانا بتلمينا الحافظ ودالارك حادينا
ادخل يا الحافظ سولنا تسخينا
وبي نمك وحلو كلامك اغرينا

ام نسمه
03-28-2012, 11:44 PM
بت العم سمح كلامه لاجابت قول لا في الفريق حوامه
انتي لاصل غيرك في الجرتق باقي تمامه
فاقاده لاخوانا لا بتعاتب لا لومه
نسال الكريم يحفظك ويظلك يوم القيامه

مشكورة علي تفقدك راكوبة العمدة بس غايبه اثر علي جلسة الجنبه

اخوي حافظ احمدالله الراكوبه عامره الليله
اولاد جعل فرسان الخلوق ودليله
الجود والكرم والرجاله اصيله
دحين معانا مبيت ان كان عشانا بليله

حافظكو
03-29-2012, 10:50 PM
الراكوبه تتكلم
يومييين تمام ومافي زولا جاني
انشالله خير ومافي زولا عاني
غيابكم علي بالحيل شديد هماني
ادخلوا ياني فراجة همكم ياحباني

ام نسمة الهميمة الديمة شايلة همومنــا
وطلتك علينا بتسعدنا وتزيل لغمومنـــــا
والراكوبة اشتكت وجابت كلام بي لومنا
وياها فراجة همنا ورباحة تجارة سومنا

حافظكو
03-29-2012, 10:58 PM
لبست ثوب العيش لم أســــــــتشر
وحرت فيه بين شتى الـــــــــــــفكر
وسوف أنضو الثوب عني يوما ولم
أدرك لماذا جئت، أين المـــــــــــــفر

حبابك اخوي حسن فتحي في الراكوبة وخش لي جوة

اخوي حسن الراكوبة بترحب بيك
الرجل الكريم الشينة تب ما فيـــك
والليلة نحن والله مبسوطين بيــك
وكان فتنا تلقانا ديمة نجري عليك

حافظكو
03-29-2012, 11:05 PM
من زيركم مويتا باااااااااااااااااااارة روينا
والغلطه الله لايجيبه اياكي يا الركوبه بتعزينا
بي اخوانا بتلمينا الحافظ ودالارك حادينا
ادخل يا الحافظ سولنا تسخينا
وبي نمك وحلو كلامك اغرينا

اخوي ربيع الراكوبة مسخنة بيــكم
اخواني العزاز الديمة بفخر بيـــــكم
والزول كان زهج طوالي يلجأ ليـكم
ما بنساكم تب القلب دوام طاريــكم

حافظكو
04-01-2012, 09:33 PM
منتدانا العظيم الليلة فيـــــــك اتجولت
ومن فتحت النت لغيرك اصلو ما حولت
لي القعدة الطويلة بصبــــري اتحملت
بي ناسا عزاز انت الليــــــلة اتعمرت

ام نسمه
04-01-2012, 11:21 PM
ﺳﻼم للبشير وﺷﻜﺮك ﻓﺎﻳﺖ ﺣﺪو
اﻟﺘﻠﺐ اﻟﻠﺰوم ﻟﻲ اﻟﻌﻨﺪو واﻟﻤﺎ ﻋﻨﺪو
اخو الاخوان واﻟﻀﻌﻴﻒ ﺑﻲ ﺳﻨﺪو
اﻟﻤﺎل ﻳﺪي وﺣﺎﻟﻒ ﻳﻤﻴﻦ ﻣﺎ ﻳﻌﺪو

ابو الاء
04-03-2012, 02:19 AM
نحن كواهلة السيف والنحاس رازنو
نحن الفات حدود العالمين جازنو
نحن رضيعنا للموت الهياج لازنو
نحن اصبعنا في عين اي زول غازنو

حافظكو
04-03-2012, 03:27 PM
نحن كواهلة السيف والنحاس رازنو
نحن الفات حدود العالمين جازنو
نحن رضيعنا للموت الهياج لازنو
نحن اصبعنا في عين اي زول غازنو

مرحب بالكواهلة وحبابكم عشرة

مرحب بيك اخونا ابو ألاء في راكوبتنا الظليلة

ام نسمه
04-03-2012, 10:17 PM
راسيه رزينه ماهي بين الخلوق بتدافر
خلقه طبيعه ماعملت كريم وصنافر
كريمه خجوله وديمه طبعها نافر
تقيله كراعه مابتعرف تحوم وتسافر

عبدالرحيم عثمان
04-03-2012, 10:27 PM
احلئ جلسه واحئ طله واحلئ جبنه

وسط نــــــــــــــاسا عزاز بلحيـــــل

ونقول النضم السمح والاصلو مافي زيو اتنين

انحنا اولاد جود وكرم ومافي زينا مثيل

وبنحلف علي كل زول ماري بي راكوبتنه الظليله

نضبحلو السمينه ويشرب معانا قهوتنا الرزينا

ربيع حمامه
04-04-2012, 12:53 AM
سمرتها زي سما سرى في اوصالي
حلاتها عســلا صافي مو متحــــالي
بسمتـــها تفضحني تكشــــف حـالي
قربها بدورو الا صعــــب يبقــــالي

ابوعفان اخوي بشوفك طلعت العالي
عشمك في البركاوي الطعمو حالي
كنت برد عليك الا نضمك ماكان في بالي
اخير لك تقراء يس تقول ياشافي ياكفي
اقع اللالوب بركاوينا ثمنو غالي

ابو الاء
04-04-2012, 01:36 AM
ايانا الكواهله وفي العزه شبعانين
والقرش ان قعد وان فاتتنا في ستين
في القا والعدم للضيف هدي السكين
ان دارك عدم في دار اخوك تسعين

ابو الاء
04-04-2012, 01:37 AM
ودكـــــــــــاهل نجيض من حــــــــــاره ما بتحوى
حـــــــــــاك ان رزم صــــــــــــوت ام رعود دوى
عــــــــــــــــشاي الحمل تــــــــلقاهو بايت القوى
لا برخـــــــــــص مقام لا بقـــــول نضم لا سوى

ابو الاء
04-04-2012, 01:38 AM
جانا الاســـــــــــــــــــد قلنالو طبعك ســــــــــاهل
ما فينا الاضـــــينه الفي العــــــــروض متساهل
براق المــــــــــــــطر وقف سحـــــــــــابو الباهل
وقال للكـــــــــــــرم اياك صحيح ودكـــــــــــــاهل

حافظكو
04-04-2012, 02:55 PM
جانا الاســـــــــــــــــــد قلنالو طبعك ســــــــــاهل
ما فينا الاضـــــينه الفي العــــــــروض متساهل
براق المــــــــــــــطر وقف سحـــــــــــابو الباهل
وقال للكـــــــــــــرم اياك صحيح ودكـــــــــــــاهل

هييييييييييييييييييع ابو الاء اخوي والله نضم

انتو الناس العزاز أهل العزة والتبجيل
في الجود والكرم ما لقيت ليكم مثيــل
في وقت الشدائد ركابين ظهور الخيل
تقنعو عازة قبل دموعا تجري تسيــل

ابو الاء
04-05-2012, 03:28 AM
من الزبير لي بكرة نحن السيف
ما غيرنا زول حرّم بعز الضيف
والبندور نرازي نجيبو بالكتيف
بنواسي الرقاب ومنو الحدانا بقيف

والله ياحافظ راكوبتك سمحه بى الحيل

ابو الاء
04-05-2012, 03:32 AM
نحنا معتّقين الاصل
الما بتعتريهم نجيسة
العرق الموطد قبل
مملكة سبا وبلقيسه
كسارين قلم الانقليز
ومشخبتن كراريسا
اهل الكرم والدريسة
صاينين العروض
لا عند سبايب ديسة
وشاربين الفراسة
ضارعين بعد ميسا

ابو الاء
04-05-2012, 03:34 AM
نحن اولاد الزبير نبها وعزاز ورتوت
نحن الفى المجالس لينا اكبر صوت
نحن الفينا مجتمعات خصايل الفوت
السخى والصبر والرجلة يوم الموت

ابو الاء
04-05-2012, 03:38 AM
هيلنا القدلة والسيف والدرع والخوسه
هيلنا نمهجر الجات بالحراب محروسه
وطايين جمر كل الصعاب بندوسه
بتكوسنا القبايل نحن ما بنكوسه

محمد نور العقلى
04-05-2012, 03:42 AM
ياحافظ الوطن ضايع وانت هنا تغنى
يا تطلع الشارع ولا نعيشه معاك تمنى
لو بالحيل حداك بدورنى بتلقانى واظنى
فى جواك انشره شعرى وادبى وفنى

حافظكو
04-07-2012, 03:15 PM
من الزبير لي بكرة نحن السيف
ما غيرنا زول حرّم بعز الضيف
والبندور نرازي نجيبو بالكتيف
بنواسي الرقاب ومنو الحدانا بقيف

والله ياحافظ راكوبتك سمحه بى الحيل

والله راكوبتنا تحلى بيك أخي ابو الاء

نم وامتعنا بي لذيذ قولك

حافظكو
04-07-2012, 03:55 PM
ياحافظ الوطن ضايع وانت هنا تغنى
يا تطلع الشارع ولا نعيشه معاك تمنى
لو بالحيل حداك بدورنى بتلقانى واظنى
فى جواك انشره شعرى وادبى وفنى


يا محمد اخوي طلعت الشارع ما غالبانا
لكن سلامة الوطن عليــــــنا عهد وأمانا
والوطن محسود من اليـــــــــهود أعدانا
والعدو الكبيــــر الطابور القاعدين معانا

حافظكو
04-12-2012, 04:32 PM
العزيزة رحيق الليلة هلت وجاتنا
وبحسن التربية تبقى بيك نجاتنا
ربي يحفظك وتقوى بيك صلاتنا
وتسيري بنهج اماتنا وحبوباتنا

هدية لابنتي الصغيرة رحيق المولودة الجديدة

ام نسمه
04-13-2012, 07:22 PM
تهنئه اخوي الحافظ
دق النحاس ياراس الرجال ودليلا
عجبتنا رحيق جيناك نبارك الليله
تيرابا نضيف مافيهانسمه دخيله
اعقر فحل المراح مابترضينا نحن بليله

حافظكو
04-22-2012, 12:50 AM
تهنئه اخوي الحافظ
دق النحاس ياراس الرجال ودليلا
عجبتنا رحيق جيناك نبارك الليله
تيرابا نضيف مافيهانسمه دخيله
اعقر فحل المراح مابترضينا نحن بليله

مشكورة اختي ام نسمة

وفحل المراح فيــــــكم بشوفو قليـــل
تستاهلو النوق المافي ليــــــها مثيل
شاحد الله الكريم من فيضو لينا يكيل
نكرمكم شحوم ولحوم ومرارةً بالحيل

حافظكو
04-22-2012, 02:54 PM
فتى أخلاقه مثُلُ وملء ثيابه رجل
يعج الحق في دمه ويزحم صدره الأمل
تراه الصبح مبتسماً كأن حياته جزل
ينم سلوكه عنه ويتبع قوله العمل
وان دارت معاركها فلن يتزحزح الجبل
تراه الليل في ركن قصي وهو يبتهل
يناجي ربه وجلاً يكاد يذيبه الخجلُ
بلا ذنب تقارفه كأن حياته خطلُ
بعيداُ عن مفاتنها فلا تصطاده المُقلُ
عزوفاً عن بهارجها وطوع حسامه الأملُ
هناك الخُلدُ مسكنه هناك الحور والأهل



التحية لجنودنا البواسل لاسترداد مدينة هجليج الى حضن الوطن
نرجوا من الأخوة المشاركة بالأشعار بهذه المناسبة العظيمة

خالد منصور
04-22-2012, 03:42 PM
مشكور أخى حافظ على النقل الرائع..

ام نسمه
04-23-2012, 12:34 PM
سلام لي اجدادنا الكانوا ضحيه
لبوا النداء ميه الميه
صفوف متماسكه ثابته قويه
وقفه اصيله وسودانيه

حافظكو
04-23-2012, 01:14 PM
الجندي اللزوم الداوس الدبــــــــــابة
فرتاق جحفل الساكنين جحور الغابة
ات قايل براك وكتين تبقى فيها حرابة
سانداك الرجال الولعوا التـــــــــقابة


فتح الرحمن الجعلي

حافظكو
04-23-2012, 01:22 PM
الليلة الرجال جابــــو النصر هازّيــــــن
في هجليج هناك جوني العيال مارقيـــن
جيوش الحشرة من الخوفة جرو فازين
شتتوا شملهم خلوهــــم جثث ميــــتين

حافظكو
04-23-2012, 02:46 PM
خليك من كل الخلاف المالو حد
خليك من الكان قديم والما اتوجد
خليك قريب والقصه جد
يا انت يا ود البلد
لو كنت بتريد البلد
لو كنت عايش لي البلد
ما الحرب هدت حيلنا هد
ما نحن دايرين السلام لكن العميل للراي رفض
ويبقي الخيار ما منو بد
الفين مرحب بالحرب والخير رقد
الخير علي ضهر الخيول صدق الوعد
كاكينا يصبح لي الكفن وفرشنا لي ود اللحد
نحن الرهيف في محل رهف بنزيدو قد
وان شاء الله ما يلقالو سد
يا زول اقيف قاعد تنظر في الشمال
والناس هناك في الموت عديل
ناسا مداريش في شيتا قليل
داقشين هناك بين الوحوش
لا بهابو موت لا بهابو ويل
داقشين هناك شان البلد
لا بعرفو نوم لا بعرفو ليل
وانت المرطب في الشمال
داير تقول الزاد قليل
يازول اقيف
يازوال اقيف
يازوال اقيف

القصة ما قصة رغيف القصة قصة جيش عنيف حالف يصون حرم الوطن ....

حافظكو
04-23-2012, 04:04 PM
ما دايرالك الميتة ام رمادا شح
دايراك يوم لقى بدميك تتوشح
الميت مسولب والعجاح يكتـح
حي على سيفو البسوي التــح

ام نسمه
04-24-2012, 12:29 AM
اخوي وين الجماعه الكانو
لابدين في الضري ومن مده مابانو
ناس ودالاراك وربيع وعثمان واخوانو
البكسل اخوي عليك تقرصلو اضانو

ام نسمه
04-24-2012, 12:32 AM
راكوبة حافظ يااخواناايه الصابا
فاضيه وديمه متربس بابا
هجروها الجماعه ولا انشغل كتابا
بسال منشغل وانشالله القي اجابه

الطيب الصاوي
04-25-2012, 12:46 PM
وين اهل الكلام السمح والنم
جيتكم من بعييييد قلت خليني انجم
واشوف ناس الحماس ود الاراك ود العم
وين عيوان ايراع و ياسين شيال الهم
الناس العزازفرسان البوادي وناس الفهم
تحياتي اخوي حافظ

حافظكو
04-26-2012, 12:40 PM
وين اهل الكلام السمح والنم
جيتكم من بعييييد قلت خليني انجم
واشوف ناس الحماس ود الاراك ود العم
وين عيوان ايراع و ياسين شيال الهم
الناس العزازفرسان البوادي وناس الفهم
تحياتي اخوي حافظ

مرحبتين أخوي الطيب وشرفت الراكوبة والله

حافظكو
04-28-2012, 12:03 AM
مرحب حباب اخوي الطيب ود الصاوي
الرجل الهميـــــــم فارس ابعجاجا لاوي
في راكبوتنا الجميـــــلة عازمك وناوي
اسقيــــك قهوة بكري وتنـــي وتلتاوي

الطيب الصاوي
04-28-2012, 02:10 PM
مشكور المنتدى ربطنا بالتأكيد
قرب حبايبنا ماببقى زولنا بعيد
اخبارهم معانا وكل يوم يجينا جديد
الفرحان معانا فرحتو كم بتزيد
والحزنان نطبطب عليه بى كم ايد
***************************
ياولادحتتى بحاول اجادعكم
وعارفه انو القلم مابقدر يسايركم
انتو الفهم والراس مشهورمنابركم
وانا يادوب بديت ادونى خاطركم .

ابو الاء
04-29-2012, 02:10 PM
نحن أسياد بلد والسمته معـروف هُولنـا
نحـن الكـافـة الأجـنـاس تـبـع معقولـنـا
حفاظيـن حقـوق تشـهـد عليـنـا نقولـنـا
نواسى الطال يمين فُتنا القُصار والطولنا
***
الجاورنـا بــى مـعـروف ننـسـى أولادو
والـكـازانـا بنـكـسِـر حــديــد بــــولادو
قُصـر القـول وتحديـد الحديـث ومـفـادو
نحـن ركـزنـا وكتـيـن جـانـا دِفـتـردادو

حافظكو
04-29-2012, 03:09 PM
مشكور المنتدى ربطنا بالتأكيد
قرب حبايبنا ماببقى زولنا بعيد
اخبارهم معانا وكل يوم يجينا جديد
الفرحان معانا فرحتو كم بتزيد
والحزنان نطبطب عليه بى كم ايد
***************************
ياولادحتتى بحاول اجادعكم
وعارفه انو القلم مابقدر يسايركم
انتو الفهم والراس مشهورمنابركم
وانا يادوب بديت ادونى خاطركم .

بعد النضم السمح ده ما بتقدر تسايرنا ؟؟؟؟؟

حافظكو
04-29-2012, 03:13 PM
نحن أسياد بلد والسمته معـروف هُولنـا
نحـن الكـافـة الأجـنـاس تـبـع معقولـنـا
حفاظيـن حقـوق تشـهـد عليـنـا نقولـنـا
نواسى الطال يمين فُتنا القُصار والطولنا
***
الجاورنـا بــى مـعـروف ننـسـى أولادو
والـكـازانـا بنـكـسِـر حــديــد بــــولادو
قُصـر القـول وتحديـد الحديـث ومـفـادو
نحـن ركـزنـا وكتـيـن جـانـا دِفـتـردادو

الغالي ابو الاء راكوبتنا بيك مبتهجة
حبك ديـــمة جوة قلوبنا جوة المهجة
وانت معانا لا بنشوف قلق لا زهجـة
من ما جيتنا عمانا الفرح والبـــهجة

ام نسمه
04-29-2012, 09:25 PM
من الغربه الجابتني ليها شلاقه
سائله الله الكريم يهون لينا نرمي طلاقا
نمشي وطنا في الراكوبه نتلاقي
نجدع نمه فوق البلد والصابا

ربيع حمامه
04-30-2012, 12:31 AM
من الغربه الجابتني ليها شلاقه
سائله الله الكريم يهون لينا نرمي طلاقا
نمشي وطنا في الراكوبه نتلاقي
نجدع نمه فوق البلد والصابا

شينه الغربة للحبايب فراقة وكان ما ظروف حكمت ابدا ما بنفتح بابا
يا ربي الكريم الطلقة تبقي باينه ومن امة محمد اصلو ما تلقي خطابة
تعود كل عصافيرنا المهاجرة ومن عسل نيلنا يبقي شرابـــــــــــــــــة

ربيع حمامه
04-30-2012, 12:48 AM
الفرع المرمي البرتقال يادوب اسبب ليك جنون
كان شفته البنيه لابسة التوب
وداك ود الفكي بي درب البنية بالحيل مغلوب
********
بدور اوصيك قبل الروح تشتهي الهبوب
صلي صلاتك واجرد سبحت اللالوب
ازجر النفس كان ترجع لي باريها تتوب
حكم القضاء وبقي الكان في الجبين مكتوب

ربيع حمامه
04-30-2012, 01:06 AM
مشكور المنتدى ربطنا بالتأكيد
قرب حبايبنا ماببقى زولنا بعيد
اخبارهم معانا وكل يوم يجينا جديد
الفرحان معانا فرحتو كم بتزيد
والحزنان نطبطب عليه بى كم ايد
***************************
ياولادحتتى بحاول اجادعكم
وعارفه انو القلم مابقدر يسايركم
انتو الفهم والراس مشهورمنابركم
وانا يادوب بديت ادونى خاطركم .

اجدع جدعاتك كتر من نماتك
سمح الضم حارسك من ابواتك
وفي الراكوبه كتر من طلاتك
اكيد الحافظ سعيد بمشاركاتك

ربيع حمامه
04-30-2012, 11:57 PM
شحدتك يا ربي الكريم بي جاه شفيع العرضه
كل من يمر علي الراكوبة وللبوست يقراء
بالخيرات عليهو ترضا وسكونو في الفردوس يبقي فرضه

حافظكو
05-01-2012, 04:58 PM
شحدتك يا ربي الكريم بي جاه شفيع العرضه
كل من يمر علي الراكوبة وللبوست يقراء
بالخيرات عليهو ترضا وسكونو في الفردوس يبقي فرضه

آآآآآآآآآآآآآآآآآآآآآآآآمين يا رب العالمين

حافظكو
05-01-2012, 05:09 PM
الليلة الرجال جابوها حمــــــــــرة عين
حين دقو النحاس جوني العيال مارقين
شايلين الكلاش والمدفع اب عشريــــن
في هجليج هناك جابو النصر في الحين

حافظكو
05-01-2012, 06:00 PM
أخوان البنات الفي الحارة ديل ثابتين
حاقين الشكر الديمة متكاتفيــــــــــــن
حين زقرة الكوارك جابو النصر هازين
العدو اللئيم ماتو واندفنو تحت الطين

حافظكو
05-01-2012, 06:00 PM
بقطـــع البحـــر الغـــريق المالــــح
وبهـبر العتمــة أم ســــحاباً شالــــح
ما بخذل أخـوي يوم الكريهة الكالح
إلّا مكجّن الزول الصداقتو مصالح


منقول

حافظكو
05-01-2012, 06:05 PM
ان قالو الشجاعة النادرة فت حدودا
وان قالو الكرم زي السحاب الدودا
ايدك سيل عرم بالخير دوام ممدودة
وبيتك سوق عكاز ابوابو مي مسدودة

منقول

حافظكو
05-01-2012, 06:06 PM
إن قالوالمروه لحاق الضعيف في الحين
وإن قالو الحكم عقلك يوزن بلد وإتنين
إياك دخرينا لي ساعة المحاصه خزين
بيتك بابو فاتح أكان لي غني ومسكين


منقول

حافظكو
05-01-2012, 06:07 PM
ان قالو الطعان سيفك مقطر دم
وان قالوا اللدب مولاي فيك ردم
ات ركز الفريق وكت الكتيريعدم
تنفق في كرم من غير حساب ندم


منقول

حافظكو
05-01-2012, 06:08 PM
البَرَقَـنْ صعيد جـابن دعاش العينــة
كرباجن ضرب فتل الشقوق والطينة
خلى الدنيا ضـي ولّع سماها رتيـنة
طرّانا أم قسا القطعـت زمان طارينا
******
عُقب الليل حبس نَفَسُو الأخير شَدّينا
جرّبنا السيوف فوق الوحوش الشينة
يا بت الرجـال لو قالـوا يـوم فــزينا
نديكي الرقاب بي سيف أبوك جزينا


منقول

كععععععععععععععع هلا هلا

حافظكو
05-02-2012, 09:43 AM
أخوك يا السمحة عشاي ضيــــــــــــوف الهجعة
أخوك البــــــــتب يوم الدواس والفزعــــــــــــــة
أخوك قشاش دموع الباكيــــــــــــــة يوم الوجعة
عن ساعة الكوراك يتب عجلان يجيك بي سرعة



من بنات أفكاري

حافظكو
05-02-2012, 09:45 AM
أخوك يا السمحة زولاً ما بتغرو المادة
والبتمرق منو أبداً ما بتقبـــــــل صادة
درداق للجزر ساعة الضيـوف متوافدة
عن قولة سلام سكيــــــــنو تلمع حادة



من بنات أفكاري

حافظكو
05-02-2012, 09:52 AM
أخوك يا السمـــــــحة أســد الخشاش الحر
شدولو وركب فوق ضهر الخيـــــــول الغر
وقت الشوف يشوف والموت يشيل ويصر
خصيــــمو يبلعو النيـــــــران يضوق المر



من بنات أفكاري

حافظكو
05-06-2012, 06:02 PM
السودان وطنا الأرض مليـــــــــون ميل
بدور فرسان مدرعة بالدروع والخيــــل
يقنعوا عازة قبل دموعا تجري تسيـــــل
يفرجوا الهم ويزيلوا الغم ويعدلوا الميل


يوسف البنا

ربيع حمامه
05-06-2012, 08:05 PM
قدر ما اقول اتوب من البنات وغناهن
قلبي بخزني وبعد المنام بطراهن
ربي بعبدو الا ستاتي محال انساهن

ابو الاء
05-18-2012, 03:12 PM
فارس الساحة جيَّاب الحقوق للناس

سنَّاد الضعيف وكت الضيف ينداس

يا جبل الدهب .. إنتَ الوضعتَ الساس

وما اتزحزحتا يوم درعوا الحبل في الراس

ابو الاء
05-18-2012, 03:19 PM
الغنـا والنميـم دايرلـو فاقـة وروقــة
وبرضو ذخيرة كاربة، وماهلة مي ممحوقة
تبقـى سحـابَـة الطرفـة التلالي بروقـا
وتدخـل ساحـة الدوباي.. تعمِّـر سوقـا

والله ياحافظ اخوى كان البال الفاضى كان جيهتك تب
لكن الغربه مسحت كل شى جميل عندنا

حافظكو
05-23-2012, 02:37 PM
الغنـا والنميـم دايرلـو فاقـة وروقــة
وبرضو ذخيرة كاربة، وماهلة مي ممحوقة
تبقـى سحـابَـة الطرفـة التلالي بروقـا
وتدخـل ساحـة الدوباي.. تعمِّـر سوقـا

والله ياحافظ اخوى كان البال الفاضى كان جيهتك تب
لكن الغربه مسحت كل شى جميل عندنا

تب ما قصرت اخوي ابو الاء وكدي حك الذاكرة وطلع لينا الدرر

واقطع لينا القطع الأخضر كمان

حافظكو
05-29-2012, 12:21 PM
راكوبتنا الجميلة الليلة صبحت فاضيـة
مهمومة وحزينة واصلو تب ما راضية
قالت لازم ترجعو لي أيامي الماضيــــة
ومقدمة شكوى فيكم هسي قدام القاضية

ابو الاء
05-30-2012, 02:57 AM
تسلم ياحافظ سيد الحروف حاديـــــها
نورت البراااح يوم كان الضلام لافّيــــها
لميت الصحاب خدّرت هادى الجيـــــــهة
ابقى واصل ومن فيضك حرووفنا اسقيها

ولى قداااااام ياشباب

حافظكو
05-30-2012, 05:35 PM
تسلم ياحافظ سيد الحروف حاديـــــها
نورت البراااح يوم كان الضلام لافّيــــها
لميت الصحاب خدّرت هادى الجيـــــــهة
ابقى واصل ومن فيضك حرووفنا اسقيها

ولى قداااااام ياشباب

حبابك ابو الاء الرجل الكريم واصيـــل
فارس المغارات ركّاب ظهور الخيـــــل
ايدك وابل العينة وتساب النيــــــــــــل
ضبّاح النوق مو ضبّاح عتود وسخيـل

حافظكو
06-04-2012, 04:07 PM
نحن من تبينا أهل الكرم والجــــود
نحن بنضبح النوق ما سخل وعتود
نحن نفش الغلة ونسدد المـــــقدود
ونحن برانا للحوبات منـو المفقود

ام نسمه
06-04-2012, 06:48 PM
رااااااائع اخوي حافظكو

حافظكو
06-05-2012, 12:43 PM
رااااااائع اخوي حافظكو


شنو الاختفاء ده أخت أم نسمة ... بس تتاوقي بالشباك وتمشي

ام نسمه
06-05-2012, 09:43 PM
شنو الاختفاء ده أخت أم نسمة ... بس تتاوقي بالشباك وتمشي
والله ياحافظ اخوي الامتحانات ماريحتنا
وجات الاجازه وضيوف وطلعات خليها علي الله
لكن بهدي ليك دي من ابداعي

ام نسمه
06-05-2012, 09:44 PM
بالالف ابتديت شارحه كلامي عديل
بالام لوعه لي الراكوبه يااخواني نشيل
بالراء ربنا يديمه لينا من عين الحسود ويكيل
بالكاء كفي فيها اخوانن كرمهن سيل
بالواو واحشاني جد بالحيل
بالباء بنقعد فيك وكلامنا اصلوا جميل
بالهاء هادي عوده ومالقيت للراكوبه تاني مثيل
بقلمي رايك اخوي

ام نسمه
06-06-2012, 04:21 PM
نحن بنات جعل كرم واصاله وجمالا كافي
ان درتا السمح مرحب حباب وعوافي
وان درتا الكعب في دقيقه تصبح مافي
من بنات افكاري

مبارك إبراهيم الأمين
06-06-2012, 08:31 PM
ياناس أووووووووووووووووك آسف علي الغيــــــاب الطال
وإنتو كمان ما بتســـــألوا عن الغايب ولا بتقولوا كيف الحال
فراقكم وفراق البلد خلاني مع القماري أغني الفراق بي طال
يا حافظكو الظاهر لقيت أصحابك وما سألت عــــــــــن الخال

مبارك إبراهيم الأمين
06-06-2012, 08:44 PM
نحن بنات جعل كرم واصاله وجمالا كافي
ان درتا السمح مرحب حباب وعوافي
وان درتا الكعب في دقيقه تصبح مافي
من بنات افكاري

سمحات بنات أفـــــــكارك فيهن بقـول أوصافي
نظمك في الشعـــــــر جمــــــــيل مقفي وصافي
فــــــارس دار جعل بكفي ضيفو متحزم وحافي
لو يقطع من لحم جلدو بجيب لي ضيفو المافي

(الحالة دي حبوبتي بس الجعلية)

مبارك إبراهيم الأمين
06-06-2012, 08:49 PM
نحن من تبينا أهل الكرم والجــــود
نحن بنضبح النوق ما سخل وعتود
نحن نفش الغلة ونسدد المـــــقدود
ونحن برانا للحوبات منـو المفقود

معروفين بالكرم لي ضيف الهجعة والبجيك بالليل
حافظكو أخــــــــــــــــــوي ما ضباح حِمِيل وسخيل
البرق القبلي الديمـــــــــــــــــة شــــــــــادي الحيل
حافظكو مطــــــــــــــــر الضُراع الليلة صبَ عديل

فاطمة التيجاني عبدالله
06-06-2012, 11:09 PM
ياناس أووووووووووووووووك آسف علي الغيــــــاب الطال
وإنتو كمان ما بتســـــألوا عن الغايب ولا بتقولوا كيف الحال
فراقكم وفراق البلد خلاني مع القماري أغني الفراق بي طال
يا حافظكو الظاهر لقيت أصحابك وما سألت عــــــــــن الخال

العم عبد الرحيم ..

هلا بك الف ..

جيت ونور الراكوبة زاد نور ع نوره ..

اتلومنا معاك بس المشاغل والالتزامات ..

ولك العتبى حتى ترضى ..

ودي وتقديري ..

حافظكو
06-07-2012, 01:43 PM
بالالف ابتديت شارحه كلامي عديل
بالام لوعه لي الراكوبه يااخواني نشيل
بالراء ربنا يديمه لينا من عين الحسود ويكيل
بالكاء كفي فيها اخوانن كرمهن سيل
بالواو واحشاني جد بالحيل
بالباء بنقعد فيك وكلامنا اصلوا جميل
بالهاء هادي عوده ومالقيت للراكوبه تاني مثيل
بقلمي رايك اخوي

شيئ عجيب والله مافي كلام ياغتو يا ام نسمة كان خليتي الراكوبة حقتنا دي

الا نشلعها ونحرق حطبها ... فحقيقة بدونك ما عندها معنى

حافظكو
06-07-2012, 01:53 PM
ياناس أووووووووووووووووك آسف علي الغيــــــاب الطال
وإنتو كمان ما بتســـــألوا عن الغايب ولا بتقولوا كيف الحال
فراقكم وفراق البلد خلاني مع القماري أغني الفراق بي طال
يا حافظكو الظاهر لقيت أصحابك وما سألت عــــــــــن الخال

معقولة بس يا خال قول ليّا كيــــف أنساك
راكوبتنا العزيزة والله من زمان راجيـــــاك
وحلفت بالتقطعا كان ما جيــتا ماشي براك
الا تشتكيــــك للادارة ومافي زول يــحجاك

ابو الاء
06-08-2012, 03:19 AM
حبابك ابو الاء الرجل الكريم واصيـــل
فارس المغارات ركّاب ظهور الخيـــــل
ايدك وابل العينة وتساب النيــــــــــــل
ضبّاح النوق مو ضبّاح عتود وسخيـل

حباب فارس النميم سيد القريحة الحاضرة
حباب ود الرجـال أهـل المَيَع والسَّـادرة
شمايلك طيبـها عطَّرنا، وخصـالك نادرة
قصـدِي أشكَّـرَك؛ إلا الحروف ما قـادرة

حبابك اخى حافظكو

ام نسمه
06-08-2012, 01:49 PM
سمحات بنات أفـــــــكارك فيهن بقـول أوصافي
نظمك في الشعـــــــر جمــــــــيل مقفي وصافي
فــــــارس دار جعل بكفي ضيفو متحزم وحافي
لو يقطع من لحم جلدو بجيب لي ضيفو المافي

(الحالة دي حبوبتي بس الجعلية)

مرحب حباب الضيف الحبوبتوا جعليه
عفه وكرم وشجاعه زايده عليهابياضة نيه
قيم وخصال وشيم ومرؤه محريه
حبوباتنا زمن الحروب الواحده تزن الميه
ادخل تعال قدامك خروف والشاي معاو الشيه
انشالله بطيبلك المقام دي راكوبتنا ميه الميه

ام نسمه
06-08-2012, 01:55 PM
شيئ عجيب والله مافي كلام ياغتو يا ام نسمة كان خليتي الراكوبة حقتنا دي

الا نشلعها ونحرق حطبها ... فحقيقة بدونك ما عندها معنى

تسلم كتير اخوي حافظكو راكوبتك عامره بجيك راجعه

حافظكو
06-10-2012, 01:43 PM
حباب فارس النميم سيد القريحة الحاضرة
حباب ود الرجـال أهـل المَيَع والسَّـادرة
شمايلك طيبـها عطَّرنا، وخصـالك نادرة
قصـدِي أشكَّـرَك؛ إلا الحروف ما قـادرة

حبابك اخى حافظكو


تسلم كتير الأخ ابو الاء ولك التحية وسمح نمّك ونظمك

حافظكو
06-10-2012, 01:46 PM
تسلم كتير اخوي حافظكو راكوبتك عامره بجيك راجعه

تسلمي ام نسمة وفي انتظار عودتك

حافظكو
06-13-2012, 04:23 PM
عووووووووك أهل الراكوبة القهوة جاهزة والعناقريب الهبابة برررررررررره في الضل

وحلاة قعدة العصرية والنمّة والهمبريب مية المية

ام نسمه
06-13-2012, 05:00 PM
الحافظ اخوي امسيت كيييف حالك
لي الراكوبه ديمه فاتح بابك
تجر النم وتقول لي الغاشي كلوا حبابك
بس تعال قول لي وووووين اصحابك ؟؟

حافظكو
06-13-2012, 06:10 PM
الشوق للبـــــــــلد فى اليــــــــــل الهجد
من دون الخلوق تلقانى منى النوم شرد
فى مدن النـــــــــكد وكت اليـــــــــل برد
الطيـــــف والمنام جافانى للنجمات جرد


هذه كلمات أخونا عبد الرحيم عثمان الذي يدرس بالهند

ويا عبد الرحيم والله ليك وحشة ......

حافظكو
06-18-2012, 12:26 PM
راكوبتنا العزيزة الليلة وين جـــــــــافوك
ناس ود الاراك وربيع وام نسمة عوووك
الليلة يا الراكوبة العزيزة كان ما جــــوك
نحرق عناقريبك ونزرب عليـــــك الشوك

فاطمة التيجاني عبدالله
06-19-2012, 03:25 PM
أفرد جناح عينيك.. مادام عدمت الريش ..
و جيب السعادة عليك.. و البسمة من مافيش ..
و خلي الأمل جواك .. بي بكرة يبدأ يعيش ..
الدنيا ما بالمال .. و الفكة و البقشيش ..


من موبايلي :) ,,

حافظكو
06-19-2012, 03:38 PM
الراكوبة العزيزة الليلة شايــفك اتشلعتي
وحصيرك وحطبك قالو سومتــي وبـعتي
وفي أمرك هذا شايفك اتعديتي واتلومتي
وبشوفك يا العزيزة اتسرعت واتحامقتي



ويا ناس الراكوبة ده لوم واضح ونشوف أول زول برضي الراكوبة منو ؟؟؟

ربيع حمامه
06-20-2012, 01:09 AM
اهل الراكوبه مني ليكم الفين تحيه وسلام
غيابي ما بالنيه بس عثرت الايــــــــــــام
وليلة جيت لقيت الراكوبه ذايده الق ونظام
عاد فارس الحروف حلو النظم والكلام
ياالحافظ اجمع القوة نظم الصفوف ارفع التمام
تعظيم سلام لشيخ مبارك الهمام

ربيع حمامه
06-20-2012, 01:25 AM
الراكوبة العزيزة الليلة شايــفك اتشلعتي
وحصيرك وحطبك قالو سومتــي وبـعتي
وفي أمرك هذا شايفك اتعديتي واتلومتي
وبشوفك يا العزيزة اتسرعت واتحامقتي



ويا ناس الراكوبة ده لوم واضح ونشوف أول زول برضي الراكوبة منو ؟؟؟

الراكوبه عزيزة حتي في النطق واللزة
الراكوبه عزيزة عندي ليها معزة
الراكوبه واقفه شامخ لعوامل الطبيعه بتحده
الشلع الراكوبه اوفكر ليها في هده
بتجد المبارك بسيف حروفو ليهو صده

حافظكو
06-20-2012, 05:54 PM
الراكوبه عزيزة حتي في النطق واللزة
الراكوبه عزيزة عندي ليها معزة
الراكوبه واقفه شامخ لعوامل الطبيعه بتحده
الشلع الراكوبه اوفكر ليها في هده
بتجد المبارك بسيف حروفو ليهو صده

استاذنا العزيز لك التحية والراكوبة بيك ديمة في ألق

حافظكو
06-28-2012, 02:19 PM
الراكوبة الظليلة الليلة هابة هبوبا
وفي نص النهار حــــــلاة مشروبا
وناس ود الاراك دوام ســــــهروبا
واخوي عيون يراع هلك في دروبا

ود الاراك
06-28-2012, 03:43 PM
راكوبتنا الجميلة الانيقة الحلوة
الخريف علي الابواب وطبع الراكوبة
مابتتحمل المطر الصب هطال ...
عشان كده بقول ليها

خريفك لوشلع براقوا
برفع لي الكريم ايدي
اقول حولينا ماها علينا
تنزل في الهويد والصي

حافظكو
06-28-2012, 04:21 PM
راكوبتنا الجميلة الانيقة الحلوة
الخريف علي الابواب وطبع الراكوبة
مابتتحمل المطر الصب هطال ...
عشان كده بقول ليها

خريفك لوشلع براقوا
برفع لي الكريم ايدي
اقول حولينا ماها علينا
تنزل في الهويد والصي

أخوي ود الاراك

حلاة القعدة في الراكوبة في وقت الخريف
نستمتع بالنمّة الجميــــــــلة وحلاة الكيف
ونعرض الصقرية ونلعب نـــــهز بالسيف
وحلاوة القرية يا ود الاراك وهداوة الريف

حافظكو
06-28-2012, 04:30 PM
ود الاراك أخوي الليـــــلة نم سمعنا
وبي أمتع كلام الليــــــلة قول متعنا
وبي لذيذ النمّة الليـــلة قـول شبعنا
وفي ربـاعيات الشعر الأصيل ربعنا

حافظكو
06-30-2012, 07:07 PM
في انتظارك يا ود الاراك شان تشرب معــــاي القهوة
وتسمعني نمك ودوبيتك الليــــــــــهو جــــد انا بهوى
مالي شايف حماسك جاب ليــــــــــــــــهو حبـة رخوة
والراكوبة يا اخوي من غير وجودك حاجة ما بتسوى

ود الاراك
06-30-2012, 07:49 PM
الليلة جاتني رسالة فحوها بتقول
ياودالاراك انا في انتظارك عشان تشرب معايا القهوة
تسلم يالاصيل ود الملوك وانا بيك دايما بعتزة
ويلا سوي النم وصب القهوة
تراها القعدة في الركوبة لما يصيح ديك الهجعة
انا وانت والاخواااااااااان نسد الفرقة
والليلة تب قاعددددددين مافي اي طريقة مرقة

حافظكو
06-30-2012, 08:20 PM
الليلة جاتني رسالة فحوها بتقول
ياودالاراك انا في انتظارك عشان تشرب معايا القهوة
تسلم يالاصيل ود الملوك وانا بيك دايما بعتزة
ويلا سوي النم وصب القهوة
تراها القعدة في الركوبة لما يصيح ديك الهجعة
انا وانت والاخواااااااااان نسد الفرقة
والليلة تب قاعددددددين مافي اي طريقة مرقة

ود الأراك اخوي تمرق تمشي وين
ونحن في الراكوبة تــــــب قاعدين
وانت زاتك يا اخوي جيـــــت متين
مشتاقين لسماع نمّك ليــنا شهرين

ود الاراك
06-30-2012, 08:39 PM
ابشر بالخير يالخزين
ودايرك تهز باليمن
ان شاء الله نعوض الشهرين
بس كدي انت لم الباقين
وشوف درب عمنا مبارك والامين
وقول لي ربيع حمامة نحن قاعدين
وام نسمة الجعلية قول ليها تجينا الحين
وفاطمة بت التيجاني زولة الشعر الرصين
وعثمان ودعلي ليهو نحن طارين
وكل ناس الركوبة الحاضرين يكلموا الغايبين
نحن خلاص جاهزين والقهوة ملت الفناجين
يلا تعالوا مارقين

حافظكو
06-30-2012, 08:49 PM
ابشر بالخير يالخزين
ودايرك تهز باليمن
ان شاء الله نعوض الشهرين
بس كدي انت لم الباقين
وشوف درب عمنا مبارك والامين
وقول لي ربيع حمامة نحن قاعدين
وام نسمة الجعلية قول ليها تجينا الحين
وفاطمة بت التيجاني زولة الشعر الرصين
وعثمان ودعلي ليهو نحن طارين
وكل ناس الركوبة الحاضرين يكلموا الغايبين
نحن خلاص جاهزين والقهوة ملت الفناجين
يلا تعالوا مارقين


ود الاراك أخوي ان قلت أجادعك عارف نفسي بتعب وراك
يا الرجل الهميم سيد النمّة الجميلة والدوبيت العجيـب داك
عارفك كن سخيــــــــــت وروقت البوست ده بتسمكو براك
يكفي انك ود الناس الكرام ويـــــــكفي انك من ناس الاراك

ود الاراك
06-30-2012, 09:04 PM
ود الاراك أخوي ان قلت أجادعك عارف نفسي بتعب وراك
يا الرجل الهميم سيد النمّة الجميلة والدوبيت العجيـب داك
عارفك كن سخيــــــــــت وروقت البوست ده بتسمكو براك
يكفي انك ود الناس الكرام ويـــــــكفي انك من ناس الاراك

قريتي الحبيبة
بحبك يا الاراك من قومت الجهل في رباك
يا احلي البقاع الشوق كتلني ورااااااااااك
بريدك من قلبي يادرة وربي يزيدك في علاك
انا منك وفيك وبيك ومابقدر اعيش بلاك
انتي الوطن والحنان والامان ياقمر في سماك
يااحلي القري في شرق الجبل يحفظك مولاك

حافظكو
06-30-2012, 09:27 PM
قريتي الحبيبة
بحبك يا الاراك من قومت الجهل في رباك
يا احلي البقاع الشوق كتلني ورااااااااااك
بريدك من قلبي يادرة وربي يزيدك في علاك
انا منك وفيك وبيك ومابقدر اعيش بلاك
انتي الوطن والحنان والامان ياقمر في سماك
يااحلي القري في شرق الجبل يحفظك مولاك

كع أبشر بالخير ده النضم ولا بــــلاش
ود الاراك الليلة رائق وهاشي وبـــاش
مطرك صابي وابل علينا ماهو رشاش
راكوبتنا الليلة بتجيب المــــودر طاش

ود الاراك
06-30-2012, 09:42 PM
كع أبشر بالخير ده النضم ولا بــــلاش
ود الاراك الليلة رائق وهاشي وبـــاش
مطرك صابي وابل علينا ماهو رشاش
راكوبتنا الليلة بتجيب المــــودر طاش

حباب اخوي حافظكو خريف الراااااااتعة
الحافظ حدودو صاحب الخصال الناصعة
انت الكل وانت الضل انت البشيل الواقعة
بااابك ما انقفل ناااااااارك توجوج باااقة
للضيفان تهش وتبش وتتبسم ثناياك مارقة

حافظكو
06-30-2012, 10:07 PM
حباب اخوي حافظكو خريف الراااااااتعة
الحافظ حدودو صاحب الخصال الناصعة
انت الكل وانت الضل انت البشيل الواقعة
بااابك ما انقفل ناااااااارك توجوج باااقة
للضيفان تهش وتبش وتتبسم ثناياك مارقة

حباب ود الاراك الما بـــــهم من غناهو وفقرو
حباب فارس المحاص واليوم البخوجل صقرو
حبابو الأسد البفش العلة وبــــــرغم البنحقرو
حبابو البكرم الضيفان والجزر السمان بتعقرو

ود الاراك
07-01-2012, 10:42 AM
حافظكو اخوي هبت علي نسامه
من قومة الدغش خلتني ابكي فلانة
هوي الدنيا ام قدود زايلة ماك دوامة
البكاء والنويح ما بجيب غير الملامة
اخير ليا امسك درب ربي والفارغة ابرا مكانة

حافظكو
07-02-2012, 10:04 AM
حافظكو اخوي هبت علي نسامه
من قومة الدغش خلتني ابكي فلانة
هوي الدنيا ام قدود زايلة ماك دوامة
البكاء والنويح ما بجيب غير الملامة
اخير ليا امسك درب ربي والفارغة ابرا مكانة

ود الاراك أخوي درب ناس فلانة قاسي مشيهو
كان مارق للشغل تلقاني بيتا جيـــــت غاشيهو
ده حبها جنني وخلاني النوم والأكل مابيـــــهو
ومن الجنون مرات تلقاني ضلي أشاكل فيـــهو

ود الاراك
07-02-2012, 11:41 AM
ود الاراك أخوي درب ناس فلانة قاسي مشيهو
كان مارق للشغل تلقاني بيتا جيـــــت غاشيهو
ده حبها جنني وخلاني النوم والأكل مابيـــــهو
ومن الجنون مرات تلقاني ضلي أشاكل فيـــهو
حالتك صعبة ياحافظكو اخوي اتاريهو ما ني برايا
مضروب بالغرام مكتول بالهيام قلبك صبح فوفايا
الحب والهيام معشعش في قليبك مابتمرقو محايا
يامادح الرسول خليتو المديح وجبت ليك جناااايا

حافظكو
07-02-2012, 12:01 PM
حالتك صعبة ياحافظكو اخوي اتاريهو ما ني برايا
مضروب بالغرام مكتول بالهيام قلبك صبح فوفايا
الحب والهيام معشعش في قليبك مابتمرقو محايا
يامادح الرسول خليتو المديح وجبت ليك جناااايا

هههههههههههههه ابداع والله

حافظكو
07-02-2012, 12:09 PM
حالتك صعبة ياحافظكو اخوي اتاريهو ما ني برايا
مضروب بالغرام مكتول بالهيام قلبك صبح فوفايا
الحب والهيام معشعش في قليبك مابتمرقو محايا
يامادح الرسول خليتو المديح وجبت ليك جناااايا

ود الاراك أخوي حب ناس فلانة ما بنسيني سيد روحي
النبي الكريم أنا شاغل فكري وبي حبـــــو انا مجروحي
ويا نفسي قومي وعجلي وأمشي ليـــــــــــــهو وروحي
وفي سوحو المطهر يا روحــــــــــي تفنــــــــي تروحي

ود الاراك
07-02-2012, 12:14 PM
هههههههههههههه ابداع والله

الابداااااع منكم عرفااناهو ونهلنا كتير
انتوا اساتذتنا ليكم كل الشكر والتقدير
مهما فيكم كتبنا وقلنا برضو مقصرين
ليكم اجمل وانبل التحايا من العبد الفقير

حافظكو
07-02-2012, 01:24 PM
الابداااااع منكم عرفااناهو ونهلنا كتير
انتوا اساتذتنا ليكم كل الشكر والتقدير
مهما فيكم كتبنا وقلنا برضو مقصرين
ليكم اجمل وانبل التحايا من العبد الفقير

ود الاراك اخوي الابداع هيلك من قديم
مسدارك أصيـــــل وكلامك في الصميم
ونمّك جميــل وقوافيك زي الدر النظيم
نم وقول وسمعنا يــــا صديقي الحميم

فاطمة التيجاني عبدالله
07-02-2012, 02:19 PM
ابدعتو يا غوالي ..

لا فض فوك انت و هو ..

دمتما فكرا مبدعا ..

وقلبا نابضا ..

وقلما راقيا ..

ودي ,,

تسامح عثمان يعقوب
07-02-2012, 02:47 PM
يالريدك مشارك نبــــضي والاحساس
مقامك عندي اعلي علي جميع الناس
فيك هيبة وشعور لــــــــو قسمو وانقاس
قليل حنك يعبي الدنيا ذوق واحساس
(http://www.facebook.com/groups/127444507386719/179237785540724/?notif_t=group_activity#)

تسامح عثمان يعقوب
07-02-2012, 02:49 PM
الحر الكريم بتخبرو من أفعالو
والزول الخسيس تظهردنئيه خصالو
الولد المأصل من أبوه لي خالو
مابعادي الحريم ويباري قلنا وقالو

تسامح عثمان يعقوب
07-02-2012, 02:51 PM
ياعزالنا ما تخلو الحديت وتروقو
موتو بغيظكم وانا زايده ريدو وشوقو
قدر ما تجيبو من القول وتجدعو فوقو
اموت انا في ثبات قلبو واصالتو وزوقو

ود الاراك
07-02-2012, 02:56 PM
ابدعتو يا غوالي ..

لا فض فوك انت و هو ..

دمتما فكرا مبدعا ..

وقلبا نابضا ..

وقلما راقيا ..

ودي ,,

ابداعنا منكم انتو يا حلووووين
دايرين نجاريكم ولسة ماقادرين
نفضفض زيكم وبرضو مكبوتين
نقول القول وماعارفين نصل ل وين

حافظكو
07-02-2012, 03:41 PM
ابدعتو يا غوالي ..

لا فض فوك انت و هو ..

دمتما فكرا مبدعا ..

وقلبا نابضا ..

وقلما راقيا ..

ودي ,,


بت التجاني كل ما تجينا تدينا دفعة زيادة
شاحد الله الكريم يحقق ليــــــها كل مراده
الزولة العزيزة المشكورة من ميــــــــلادة
الدين والجود والكرم وارثاه من أجــــداده

حافظكو
07-02-2012, 03:52 PM
ياعزالنا ما تخلو الحديت وتروقو
موتو بغيظكم وانا زايده ريدو وشوقو
قدر ما تجيبو من القول وتجدعو فوقو
اموت انا في ثبات قلبو واصالتو وزوقو

أولا: دي من راسك ولا من كراسك

وبقول ليك يا (تسامح)

بالتاء تاريخك نظيف من زمن ميــــلادك
بالسين سماحتك يحكو بيـــــــــها أندادك
بالألف أصيلة وكريـــــمة مــــــن أجدادك
بالميم منورة راكوبتنا وجميل مســــدارك
بالحاء تطول حياتك وتشوفي أولاد أولادك

ود الاراك
07-02-2012, 04:12 PM
الحر الكريم بتخبرو من أفعالو
والزول الخسيس تظهردنئيه خصالو
الولد المأصل من أبوه لي خالو
مابعادي الحريم ويباري قلنا وقالو
هلا هلا هيييييييييييييييييييييع ابشري بالخير

تاج عزنا من زمااااان راااااجنك
سماحة نمك الدوبيت بيخجل منك
انتي من البادية ونحن ماعارفنك
مكتولة غرام وفي الريدة زايد حنك
حبابك والله يا البـ الكرم واصفنك

حافظكو
07-02-2012, 04:20 PM
هلا هلا هيييييييييييييييييييييع ابشري بالخير

تاج عزنا من زمااااان راااااجنك
سماحة نمك الدوبيت بيخجل منك
انتي من البادية ونحن ماعارفنك
مكتولة غرام وفي الريدة زايد حنك
حبابك والله يا البـ الكرم واصفنك

تعجبني والله النّم والمسادير ليها متعة خاصة معاك

حافظكو
07-02-2012, 04:26 PM
أخوي ود الاراك الجعلية أم نسمة بتخبر ليها مكان
الراكوبة فاقداها لازم تجي بي سرعة وكمــان الآن
شلينا الفاتحة وفتش ليــــــــها وما تخلي أي بكان
خلها تجي وتنم وفي القهوة تشرب كمــــان فنجان

ود الاراك
07-02-2012, 05:46 PM
أخوي ود الاراك الجعلية أم نسمة بتخبر ليها مكان
الراكوبة فاقداها لازم تجي بي سرعة وكمــان الآن
شلينا الفاتحة وفتش ليــــــــها وما تخلي أي بكان
خلها تجي وتنم وفي القهوة تشرب كمــــان فنجان

ام نسمة بت البكرم الضيف مراااااااارة وشية
الليلة قالوا من الرااااكوبة انتي طولتي الجية
ان شاء الله المانع خير انا للكريم رفعت ايديا
ماتشوفي شييييييييييييييييييييييييييييييييييييينة
وتجينا تاني وانا واخوي الحافظ نلع الصقرية

حافظكو
07-05-2012, 04:20 PM
أهل الراكوبة والله ليكم مشتاقين بكميــــة
ومني ليــــكم اجمل سلام وأحلى تحيــــــة
انتو الرجال البتغرمو المحقور تحلو الدية
انشاء الله تكونوا تمــــــــــــام ومية المية

حافظكو
07-07-2012, 02:44 PM
سلام أهل الراكوبة سلام والله ليـــــــكم شوق
أهل النمّة والدوبيت ناساً ديمة عاليــــن فوق
سلام أهل الطوريــــــة والحشاشة والواسوق
سلام يا في المنتدى راسكم ديمة مرفوع فوق

حافظكو
07-08-2012, 04:05 PM
حلاة النمّة والدوبيــــت حلاة مسدارنا
ويا الداير تعرفنا تعال ليـــنا في دارنا
بنكرم ضيـــفنا وديـــــمة مولعة نارنا
مرحبتين حباب الجانا وحباب الزارنا

حافظكو
07-08-2012, 11:28 PM
دقيـت اليميـن انـو القمـــــــــــر إتدلى
في نص النهار سارح يحوم في الحله
غيمت السما وشـرقت نجــــوم تتجلى
وانبهرت عيـــون عاجـباها خـلقة الله

حافظكو
07-12-2012, 07:20 PM
ما بيدي وبقول أديت وما بسوي وبيقول سويت
تسلم يا الهميم ركازة الضعيف يا عمود البيـــت
يا مقنع الكاشفات رضي ورزين والله من تبيــت
كل المكارم هيلك وللعشمان أصلو ما رديـــــــت

فاطمة التيجاني عبدالله
07-15-2012, 02:49 PM
بت التجاني كل ما تجينا تدينا دفعة زيادة
شاحد الله الكريم يحقق ليــــــها كل مراده
الزولة العزيزة المشكورة من ميــــــــلادة
الدين والجود والكرم وارثاه من أجــــداده



يسلموا يالغالي ..

كلماتك دي وسام ع صدري ..

مهما قلت ما بجاري كلامك الطيب ..

الله يخليك ويخلي ليك أولادك وحبايب قلبك ولا أراك مكروها فيهم ..

ودي وتقديري ..

حافظكو
07-16-2012, 03:56 PM
يسلموا يالغالي ..

كلماتك دي وسام ع صدري ..

مهما قلت ما بجاري كلامك الطيب ..

الله يخليك ويخلي ليك أولادك وحبايب قلبك ولا أراك مكروها فيهم ..


ودي وتقديري ..



لك التحية تستاهلي كل خير أخت فاطمة

تسامح عثمان يعقوب
07-16-2012, 04:27 PM
ارضنا اتنعمت بي قدرة الخلاق
اتكست ضحورا جمال وجوها راق
الوديان روت واتكسر الشقاق
الانعام رتوع بقرة ومعيز ونياق*****************
(http://www.facebook.com/groups/127444507386719/#)
بى مناسبة قدوم الخريف والجو اللطيف
تحياتى

حافظكو
07-16-2012, 05:35 PM
ارضنا اتنعمت بي قدرة الخلاق
اتكست ضحورا جمال وجوها راق
الوديان روت واتكسر الشقاق
الانعام رتوع بقرة ومعيز ونياق*****************
(http://www.facebook.com/groups/127444507386719/#)
بى مناسبة قدوم الخريف والجو اللطيف
تحياتى


كلام درر ... كنت فاكرك بت مدن سااااااااااي

لكن مافي كلام

حافظكو
07-18-2012, 12:24 PM
رمضان الكريم يا ناس بخيرو هلّ وجانا
بالخير العميم والرحمة مـــــــــن مولانا
يلا نصــــــــــــوم ونقوم ونجّود القرءانا
ونعبد الموجــــــــــــود ونحقق الاحسانا

فاطمة التيجاني عبدالله
07-19-2012, 04:19 PM
رمضان يارفاق اهلا حبابو الهلا
بي طاعة الاله قلبنا ايمان يملا
وللقرآن نجوِد مقامنا جد بيعلا
ومن غير الكريم لاالينا قوى لاحولا

حافظكو
07-21-2012, 02:24 PM
رمضان يارفاق اهلا حبابو الهلا
بي طاعة الاله قلبنا ايمان يملا
وللقرآن نجوِد مقامنا جد بيعلا
ومن غير الكريم لاالينا قوى لاحولا

ما شاء الله بت التجاني بدأت تنم وتجيب مسادير

يلا شدي حليك ومتعينا أكثر

فاطمة التيجاني عبدالله
07-21-2012, 03:36 PM
ما شاء الله بت التجاني بدأت تنم وتجيب مسادير

يلا شدي حليك ومتعينا أكثر

الله ما ضراك يالغالي بس دا من الكراس ما من الراس ..

طلع عندنا في البيت ناس دوبيت كل ما أسمع منهم بلطش والصق بي جاي ..

كل سنة وانت طيب جعلكم الله وايانا من عتقاء هذا الشهر الفضيل ..

ودي وتقديري ..

حافظكو
07-21-2012, 03:44 PM
الله ما ضراك يالغالي بس دا من الكراس ما من الراس ..

طلع عندنا في البيت ناس دوبيت كل ما أسمع منهم بلطش والصق بي جاي ..

كل سنة وانت طيب جعلكم الله وايانا من عتقاء هذا الشهر الفضيل ..

ودي وتقديري ..



كلنا في الأول كنا بنلطش بس اتعودنا وبقينا نقطع قطع أخضر

وانا عارف كان عزمتي على شيئ بتحققيهو يلا سمعينا

من راسك طبعاً

فاطمة التيجاني عبدالله
07-21-2012, 04:54 PM
كلنا في الأول كنا بنلطش بس اتعودنا وبقينا نقطع قطع أخضر

وانا عارف كان عزمتي على شيئ بتحققيهو يلا سمعينا

من راسك طبعاً


الشهر الكريم هلالو هلّ وجانا
بشايرو ظاهرة والناس دوام فرحانه
صيام وتراويح منو البقول معاانا ؟
ربنا يكتبنا من المعتوقين من جهنم المحرقة نيرانا

آها يا الحافظ .. بدون مجاملات ما رأيك :)

حافظكو
07-21-2012, 06:32 PM
الشهر الكريم هلالو هلّ وجانا
بشايرو ظاهرة والناس دوام فرحانه
صيام وتراويح منو البقول معاانا ؟
ربنا يكتبنا من المعتوقين من جهنم المحرقة نيرانا


آها يا الحافظ .. بدون مجاملات ما رأيك :)


والله مافي كلام ... شوية شوية حا تكوني من فطاحلة شعر الدوبيت

بت التجاني الليلة جاتنا وقالت
وفي راكوبتنا صالت وجــــالت
مدت ايدا لـــــي قهوتنا وشالت
ولي وسام الشعر الرصين نالت

ام رضا
07-22-2012, 12:14 PM
يا منتدانا يا قبلة الضهبان ادخلك الواحد بي مزاج وامرق يمين فرحان

يا منتدان يا ضل الضحي الرميان يا مطر الخريف بيه الجبل نديان

اولادك بناتك يمين كلهم اخوان متكاتفين دوام صريحين وحنان

مديرنا الاصيل القهوه للخرمان الفهم والراي خلوهوا لي عثمان

ابو السنه والحافظ وعمر وربيع ودالعقيد ودجباره افرحوا الحز نان

الشكر الكثير ما بعبروا بالميزان لي نواعمنا ستات الفهم والشان

وانا اسفه ان قصرت في نضمي وان نسيت لي اخوا من الاخوان

ماحب المنتدي بخلي الذول سكران ما حب المنتدي حيرني يا الاخخخخخخخخخخخخخخخخخخخخخوان

حافظكو
07-22-2012, 01:05 PM
يا منتدانا يا قبلة الضهبان ادخلك الواحد بي مزاج وامرق يمين فرحان

يا منتدان يا ضل الضحي الرميان يا مطر الخريف بيه الجبل نديان

اولادك بناتك يمين كلهم اخوان متكاتفين دوام صريحين وحنان

مديرنا الاصيل القهوه للخرمان الفهم والراي خلوهوا لي عثمان

ابو السنه والحافظ وعمر وربيع ودالعقيد ودجباره افرحوا الحز نان

الشكر الكثير ما بعبروا بالميزان لي نواعمنا ستات الفهم والشان

وانا اسفه ان قصرت في نضمي وان نسيت لي اخوا من الاخوان

ماحب المنتدي بخلي الذول سكران ما حب المنتدي حيرني يا الاخخخخخخخخخخخخخخخخخخخخخوان

ما شاء الله عليك أختنا ام رضا اليومين ديل راكوبتنا عمرانة تمام

بس جيتونا لقيتونا صايمين ... كنا عاوزين نسقيكم قهوة كاااااااااربة

بس ما مشكلة معزومين فطور ... ويا حلاة نمتكم ومسداركم أختي ام رضا

ام رضا
07-30-2012, 01:53 PM
يا اهل الراكوبه انا منكم زعلانه ماعذمتوني جبنه خليتوني تب خرمانه

نمتكم والله حلوه وقهوتكم بحلي مكانه وانا لي زمن من العلي زهجانه

والسبب المزهجني طولت من قعدتكم والسبب المعكرني انا ما قريت نمتكم

وانا لي زمن مشتاقه لي لمتكم وانا لي زمن مشتهيه لي جبنتكم

حافظكو
07-31-2012, 03:04 PM
يا اهل الراكوبه انا منكم زعلانه ماعذمتوني جبنه خليتوني تب خرمانه

نمتكم والله حلوه وقهوتكم بحلي مكانه وانا لي زمن من العلي زهجانه

والسبب المزهجني طولت من قعدتكم والسبب المعكرني انا ما قريت نمتكم

وانا لي زمن مشتاقه لي لمتكم وانا لي زمن مشتهيه لي جبنتكم

هييييييييييييع تسملي أختنا ام رضا ... ده النضم ولا بلاش

لكن يا ام رضا:

حليل راكوبتنا وحليــــل ايـــاما
هجروها الحبان وجـــافوا كلاما
ربنا يرد الغايبين بخير وسلاما
ونرجع لي قهوتا ونمتا ونظاما

عثمان علي
07-31-2012, 11:36 PM
الصناديد يخلفون الجميلات، والجميلات يلهبن القلوب ويسرقن المنام بالخطو الهادئ وبالقد المياس وبالتاج المنظم المنساب:

أبوك صِنْديدْ رَفيق أَنْدَادُو يـَومْ الدَيَّه
ونارِكْ دِيمَه في قلوب المُحِبين حيَّـه
الخلاني دون النــاسْ مَنَامي شــــويَّه
يا الـقـدَّاله فيكي مـَحَكَّمَـــــه القــــــادريَّه

حافظكو
08-01-2012, 01:25 PM
الصناديد يخلفون الجميلات، والجميلات يلهبن القلوب ويسرقن المنام بالخطو الهادئ وبالقد المياس وبالتاج المنظم المنساب:

أبوك صِنْديدْ رَفيق أَنْدَادُو يـَومْ الدَيَّه
ونارِكْ دِيمَه في قلوب المُحِبين حيَّـه
الخلاني دون النــاسْ مَنَامي شــــويَّه
يا الـقـدَّاله فيكي مـَحَكَّمَـــــه القــــــادريَّه


حبيبنا عثمان دائماً أظهر علينا وما تطول الغيبة

عثمان علي
08-01-2012, 01:41 PM
حبيبنا عثمان دائماً أظهر علينا وما تطول الغيبة

تسلم يا غالي ..
ما شاء الله يا الحافظ قالوا جوكم ممتع
و رمضان عندكم غير

حافظكو
08-01-2012, 04:21 PM
تسلم يا غالي ..
ما شاء الله يا الحافظ قالوا جوكم ممتع
و رمضان عندكم غير


ها زووول ها والله جو عجيب ورهيــــب
وما تبتعد يا خوي دائماً خليـــــــك قريب
حلاة النمة في العصرية وقعدة العناقريب
وتسلم الراكبوة اللامــــــــــــة كل حبيـب

حافظكو
08-04-2012, 05:22 PM
http://www.jabalalawlia.com/upload//uploads/images/domain-d6bc8ef816.jpg



حباب ود الاراك الرجل الكريموأصيل
حباب ود الاراك ركاب عواتيالخيــل
حباب ود الاراك ضبّاحالجزر بالحيـل
حباب ود الاراكالكرمو طــامح سيــــل




الكل البجيـــــــــــــك بتمدلو الكنتوش
وفي مشيــــك قلّع ماك العوير بتكوش



والضيف ان دخل بي طبعتك بتهوش
وعند ساعة الكرم زي التقول مهبوش





ود الاراك اخوي يا الما بتعرف الشينة
مجرد ما وصلنا حلـــف الا يضبح لينا
والكرم الاصيل شفناه مما جيـــــــــــنا
الرجل الكريم في بيـــــــــتو رحب بينا

حافظكو
08-05-2012, 11:43 PM
http://www.jabalalawlia.com/upload//uploads/images/domain-260ec263d5.jpg

جبنة ابو اواب العظمك باريــــــك
اليـــــــــاقوت مدقك والدهب قاليك
القهوة الجميلة الكل يـــوم طاريك
من بكري ديلك أخير شراب تلتيك


بمناسبة افطارنا في منزل ابواواب يوم السبت 16 رمضان 1433هـ (جبنة بعد الافطار)

ام رضا
08-07-2012, 05:35 PM
ود الاراك حارسوا الكرم من اجدادوا

شيالين تقيله والله الكرم اسيادوا

ناسا حنان في الحاره ما بضاروا

الشيخ الكبير لامي الجمع في داروا

والطفل الصغير للواجب اتشابالوا

تسلم يا اراك وتسلم يا جبل قبالوا

ام رضا
08-07-2012, 05:43 PM
يا الحافظ اخوي شهيتني الجبنه بالحيل

جبنتا عن ابو اواب مرقة رويحتي عديل

جسمي هبط واليله باقي عليل

بالهناء والسرور خوتكم تبق دليل

حافظكو
08-07-2012, 08:04 PM
يا الحافظ اخوي شهيتني الجبنه بالحيل

جبنتا عن ابو اواب مرقة رويحتي عديل

جسمي هبط واليله باقي عليل

بالهناء والسرور خوتكم تبق دليل

عقبال نشرب الجبنة في داركم أخت أم رضا

ود الاراك
08-07-2012, 11:28 PM
ود الاراك حارسوا الكرم من اجدادوا

شيالين تقيله والله الكرم اسيادوا

ناسا حنان في الحاره ما بضاروا

الشيخ الكبير لامي الجمع في داروا

والطفل الصغير للواجب اتشابالوا

تسلم يا اراك وتسلم يا جبل قبالوا
ام رضا يحفظك باريك
ومن خزاينو ربي يجازيك
يديك خير كتيييير ويفتحها عليك
انتي الشكرة هيلك والكرم باريك

حافظكو
08-08-2012, 12:43 AM
ام رضا يحفظك باريك
ومن خزاينو ربي يجازيك
يديك خير كتيييير ويفتحها عليك
انتي الشكرة هيلك والكرم باريك

ود الاراك اخوي سيد النمّة والدوبيت
الرجل الكريم الما بتقولا أبيــــــــــــت
انت الكرم هيلك وراجيك من تبيـــــت
تسلم يا الهميم يا عمود البيـــــــــــت

ود الاراك
08-08-2012, 01:21 AM
الليلة البرق الكتل قبلي وصب صبيبو
والهـــمبريب الهبـــــــــت عليّ هبوبو
انا من فراق زولي التقول مخبولو
يارب تمضي الايام بسرعة زي مابقولو