.::||[ آخر المشاركات ]||::.
في ذمة الله شقيقة مشرف المنتدي... [ الكاتب : عبد الواحد خضر - آخر الردود : سيف الدين الزين خليفة - عدد الردود : 5 - ]       »     مطار الخرطوم وتكرر سرقات العفش... [ الكاتب : ابوالسنة - آخر الردود : سيف الدين الزين خليفة - عدد الردود : 2 - ]       »     كشافة كسلا تعتمد المكتب الجديد... [ الكاتب : فارس كسلا - آخر الردود : سيف الدين الزين خليفة - عدد الردود : 3 - ]       »     مين العضو اللى بعدك [ الكاتب : يسن الطيب - آخر الردود : سيف الدين الزين خليفة - عدد الردود : 2065 - ]       »     غاب الحلو مر ... حنشرب فيتا (ل... [ الكاتب : حسام العالم - آخر الردود : سيف الدين الزين خليفة - عدد الردود : 1 - ]       »     يوميات صائم ( بوست خفيف ) الجز... [ الكاتب : البشير دفع الله - آخر الردود : سيف الدين الزين خليفة - عدد الردود : 5 - ]       »     كتبتك .. [ الكاتب : حيدر الشيخ - آخر الردود : عوض الشيخ حبيب الله - عدد الردود : 4 - ]       »     مكتوب لي مقدر [ الكاتب : تسامح عثمان يعقوب - آخر الردود : تسامح عثمان يعقوب - عدد الردود : 0 - ]       »     مبروك المولود رضوى السني وحسا... [ الكاتب : البشير دفع الله - آخر الردود : احمد عقيد - عدد الردود : 10 - ]       »     افطار عضوية جدة [ الكاتب : ابوالسنة - آخر الردود : ود الاراك - عدد الردود : 4 - ]       »    



الإهداءات


 
 
العودة   موقع ومنتديات جبل الأولياء | فردوس النيل الأبيض > الأقــســـام الــعـــامــة > منتدى الأغاني > كلمات الأغاني
الرئيسية لوائح وقوانين المنتدى مركز رفع صور خارجي إتصل بنا
 
 

ديوان الشوايقة ( كلمات الأغانى الشايقية )

كلمات الأغاني

إضافة رد
 
 
 
أدوات الموضوع انواع عرض الموضوع
قديم 09-07-2008, 11:09 AM   #11
لبنى كمال
عضو مشارك
 
الصورة الرمزية لبنى كمال
 

افتراضي

ما شاء الله يا ايمان

تراك ماكي هينة

تحياتي

لبنى كمال غير متواجد حالياً   رد مع اقتباس
قديم 09-08-2008, 01:56 PM   #12
إيمان
عضو مشارك
 
الصورة الرمزية إيمان
 

افتراضي

شكرا ليك أختي لبني علي المرور
وهذا قليل من كثير من اشعار اهلنا الشوايقة
وتابعوا معي

لك التحية

إيمان غير متواجد حالياً   رد مع اقتباس
قديم 09-08-2008, 03:41 PM   #13
البشير دفع الله
المدير العام
 
الصورة الرمزية البشير دفع الله
 

افتراضي

كلمات الرائع/ محمد المهدي حامد
اداء العلماق/ محمد النصري

دي ما زي المطر بتقيف ولا زي البروق تشلع
دخلتها بي مسام الروح غلبني من اندهاشي اطلع
دخرتها لي يبابي خريف رمتني على البلد مقنع
بنتني من المحبة صروح كتبتها في غناي مطلع
دي منها والكلام بيقيف لا بينقال ولا بيرجع
يا سلام،،،
دي ما زي غابة الابنوس ولا زي النخيل في الطول
دي كان دخلت خطاك في تيها اقل شي تمرقك مذهول
حروفنا كما القبيل حروس يطريها الهوى المشتول
عصية علي الكلام يوفيها حقها في الوصف والقول
بحور شعر الخليل قادوس غتس في لجها المجهول
يا سلام
دي غايبي حاضري ديمة معاي حضور شاهد علي الوجدان
رمت شتل الفرح جواي وسط غابات من الاحزان
بنت بيت القصيد في غناي حنين بيهو الحروف تزدان
اساسق بالعشق في دماي سرى وسكن الحشى الولهان
بهادن سكتي ومنفاي تهون جم طرفها الفتان
يا سلام
دي ما زي البنات من جم ولا بنجر فوقا النم
دي كان شرقت على الاوزان يقوم نفس الشعر بنخم
ممردق صوتا بالاحزان كحال اهل البلد من جم
كما النيل موسم الفيضان تعم بالخير وخيرا اعم
ملامحا تشبه السودان ودا المديها لون وطعم

التوقيع: كن كشجرة الصندل تعطر فأس قاطعها
البشير دفع الله غير متواجد حالياً   رد مع اقتباس
قديم 09-08-2008, 03:44 PM   #14
البشير دفع الله
المدير العام
 
الصورة الرمزية البشير دفع الله
 

افتراضي

قلب بالصح
كلمات /محمد سفلة
اداء الفنان/ محمد النصري

دا ما القلب البجرسو شوق اذا ما اختار سميرو بعاد
ولا القلب التبكي حبيبه لو غابت عن الميعاد
قلب بالصح دا ما القلب البجرسو شوق
*****
قلب من قام صحاري الالفة كان يشقهن بالنوق
محكوم بسياج العفه فد يوم ما سرح مطلوق
شيال للتقيل مانحا لو ساق العمر ارقوق
ندي ورياد كريم واجواد الا من الضعف معتوق
*****
دا قلبي نبيل وكلو جمال ومابيحقد علي مخلوق
ومهما جرحو المحبوب وخلا قليبو كلو شقوق
كتوم من قام يضاحك غيرو صابر والجرح مفتوق
عليه اب يضحكوا الشمات وتجري دموعو روق فوق روق
******
قلب ما همو يقضي ايامو جنب الضامر المحزوق
قلب مشغول بهم اكبر من اشواقو ورضى المعشوق
هم وطنا عشانو نزف دماهو على الارض ماروق
هم انسان قضايا كتار ما قادر عليها يحوق
******
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق
فشكرا ياحبيب الروح عليه مروادك المطبوق
انا ان حبيت بقدر زولي وان فارق بفوت بي زوق
********
الا بيبكي لما يشوف مابين الخلق في خلوق
ماخده طباعا من الغابه شايلي ضميرا ماشي السوق
وتاني بيبكي لما يشوف مابين الحقوق في حقوق
نزلت من سماها زلال وطارت من تحت لفوق
*******
وداعا وما بقول بنساك وداعا القلب مخنوق
وداعا وفي الختام دنياك مناي وراي تسوي القوق
تمدلك السعاده ايدينا لفردوسا ليك تسوق
وسيبني اعيش قسمتي وراك باسم والكبد محروق
******
قسم بالله رغم جراحي لسا عليك قلبي شفوق
قبال الزمان يفرقنا بوصيك والعتاب ملحوق
بخاف يا من رضيتلي معاك غصب اتمطق العميوق
بكرة تدور عليك الدنيا ومن كاساً سقيتني تضوق

التوقيع: كن كشجرة الصندل تعطر فأس قاطعها
البشير دفع الله غير متواجد حالياً   رد مع اقتباس
قديم 09-08-2008, 03:44 PM   #15
البشير دفع الله
المدير العام
 
الصورة الرمزية البشير دفع الله
 

افتراضي

أريدك
العملاق/السر عثمان الطيب


كل ما تغيب عن عيوني بتبقي قريب لـى فـؤادي
خلاص اصبح قطعه مني بريدك انـا زى بـلادي
يمين جواي انـت خالـد خلـود البركـل زيـادي
خلود النيل يجري دايماً يجود بالخير في البـوادي
فراقك ماكنت دايرو رضيـت بـي حكـم الارداي
بساهر وطيفك معايا وبسـوي الاحـزان وسـادي
قليبي كمان سبتو امانه أمانه معـاك فـي بعـادي
شقاوتي انا في غيبتي عنك عذابي واوطول سهادي
اكون جنبك كل لحظة قريـب لـو ينتـم مـرادي
احاول اقول مره اصبر يكون حزني علـى بـادي
اخت ريدك بين ضلوعى يكون لى في الغربه زادي
اشيل من ينبوع حنانك اعود ألقى قليبـي صـادى
بريدك وشانـك بغنـي تغنـي معـاي الشـوادي
يردد طنبـوري اسمـك يرنبـو فـي كـل وادي
ارقص زهر الخمايل يميل طربان جـاي وغـادي
الملم ناس بلدي ديلـك يضـاروك مـن الأعـادي
يسوولك في الضريـري يقولولـك فـال وعـادي
واقلدك انا يا الحنين وشـاح مـن ريـدى وودادي
دحين لامن اعود واجيك على نار الشـوق قعـادي
دوام صورتك في عيوني ألاهي بذكـرك وانـادي

التوقيع: كن كشجرة الصندل تعطر فأس قاطعها
البشير دفع الله غير متواجد حالياً   رد مع اقتباس
قديم 09-08-2008, 03:57 PM   #16
البشير دفع الله
المدير العام
 
الصورة الرمزية البشير دفع الله
 

افتراضي

كلمات العملاق/عبدالله محمد خير
اداء الفنان/صديق احمد

عديلـه عليـك مشـاويـرك عديـلـه
عديله إن كان قصيره إن كـان طوليـه

عديله عليك محـل مـا تمشـي تمشـي
يـا عديلـه أبقيلـو زي الغيمـه رشـي
أما أنـا الهامانـي راحتـك أول الشـي
ليـك تأمرنـي وعلـي أمـرك بمشـي

بس توعدنـي مـا طـول بيـك غيبـه
وعد من أنبـل حبيـب لأجمـل حبيبـه
فيـك شفـت الدنيـا قاصيهـا وقريبـه
ومنـك اتعلمـت كيـف أقـدر أجيـبـه

لا متين يا نومي فيـك رؤيـاي تصـدق
ولا متين يا شوق موالي قليبـي تحـرق
تاني جود باللقيـا يـا زمنـي المفـرق
وتاني يا اجمل صباح في عمري أشـرق

يا حلاة العُشرة وكتين تبقي صـح صـح
ويا حلاة الريده وكتيـن تصفـى تفـرح
يا حلاة ليلاً معـاك مـا درنـا يصبـح
ويا حلاة صبحاً معاك تكون إنت المصبح
في الربيع قالوا الزهـور تنضـر تفتـح
يا ربيع في حضنو كـم لفانـي وارتـح
صار يباب بستاني من غيـرك مكـردح
غير سموم في أم شير وغير أم شير تكتح

حبـك الخلانـي لـى زول مـا بجافـي
وحبـك العلمنـي أنظـم ليـك قـوافـي
حبك أكبر مهر لـي طهـري وعفافـي
آي بحبك وأصلـو حبـك زيـو مافـي

التوقيع: كن كشجرة الصندل تعطر فأس قاطعها
البشير دفع الله غير متواجد حالياً   رد مع اقتباس
قديم 09-08-2008, 04:42 PM   #17
إيمان
عضو مشارك
 
الصورة الرمزية إيمان
 

افتراضي

كمان زعلان
للشاعر : عبد الله محمد خير
غناء: الفنان صديق أحمد

تعاتبـنـا !!! ومــا قـبـلان تكاتبـنـا
مـا إنتـو البيـتـو الحـلـه يــا نــوره
ورحـتـلــو بـعـيــد بــــلا شــــوره
تراها الحله من يوم قمتو مهجوره
ومـا رضيانـه بعـدك إلا مجـبـوره
ومـــــــــشـــــــــتــــــــــاقــــــــــه
عارفـه الدنيـا لمـان تقسـى فراقـه
حلـيـل الـحـلـه .. ويـــن أمـلاكــه
(ويـن حـوره)؟؟ ويـن شاديهـا ؟؟
يـــــا شـاديــهــا مـــــا تــــــزوره
يــــــــــــــــــــا فــــــتـــــــنـــــــه
يـا البعـد الله مـنـك كــان مخافتـنـا
أكــــان حـيـيــن .. ومــــا مـتـنــا
وكـان حـن الـقـدر والدنـيـا لمتـنـا
وتانـي الحلـه زي مـا كنـا ضمتنـا
بـنــحــلــف لــــيــــك بــزمــتــنــا
ســعــادتـــك كـــــــل مـهـمــتــنــا
وبــــــلاك قـــامــــت قـيـامـتــنــا.

إيمان غير متواجد حالياً   رد مع اقتباس
قديم 09-08-2008, 04:46 PM   #18
إيمان
عضو مشارك
 
الصورة الرمزية إيمان
 

افتراضي

التومات
الشاعر: عبد الله محمد خير
غناء: الفنان صديق أحمد

خلهن سوا لا تفرقن
يالله توماتى انا بعشقن
دوره دوره انا بنتاوقن
لحظة مابقدر أفارقن
ليه عيونى الشوق حارقن
والدموع دايرى تغرقن
والدن قال ما يمرقن
خايف النظرات تلحقن
وخايف العين ما تعوقن
كان زمان لى شتلو يسقن
ومره فى اللوبى يورقن
ديمه بالقعده ينقنقن
ويحلفن لو ابي ما يصدقن
هن وين تانى بيتلقن
وليه يحفظن الخالقن
يا عيونى انا لا تزهجن
ولى مشاعرى انا لا تزعجن
لى خيوط السعد انسجن
يمكن التومات يخرجن
خطوه ... خطوه ... بيندرجن
وفى عذابكن بيتفرجن
انا ما بخاف الموت والسجن
والله جسمى الصبى يتعجن
هن مالن ابن ما يجن
ويا الله مالى انا ماشى اجن
ما بصح يا الحاج اب شنب
ولسه ديل ما بقو للادب
فى المعاملة ما تكون صعب
انت ما تقسى على العنب
وما تعكر موية الدهب
شمعتين اوعه من اللهب
ونحن يا الزينيين لينا رب
متلى كم زول مات بالشجن
وقبلى ود الزومه انسجن
من ضفاير بتموجن
من خدودا بتوهجن
من تويمات اتخرجن
من عيون اترابن نجن
فوق عروش الحيا توجن
لى مريضن ما عالجن
قلبى نيرانو اتاججن
وكل اعصابو اتبنجن
مالى قبلاتى اتعوجن
امشى وين يا نور الدجن
**************
ما كفاى يا التومات اذى
وما كفاى انا لعب الخذى
هو طيف ! ويلاوز لى ملاوزه
ما التويمات انا حاجزه
وحاجه غيرن ما عايزه
يا الجمالكن بقى معجزه
السن النقاد عاجزه
انت جيب اوصاف موجزه
يا قليبى انا حبزه
تبقى حالتنا مجهزه
ولحظه تأخير ما جائزه
***************
ليه يضايقونا الناس كده
والغرام .. سنه .... مؤكده
أنا قلبي من اول ما بدا
بى غرام التومات شدا
والعيون مويته جامده
البعاد الطال سهده
البكى المكتوم شاهده
ليها سته شهور شارده
من زمان فارقت الندى
ما بتشوف ناس هاديه
لا زيارات .... لا معايده
لا صدف عن ساعه الغدا
انا قلت بالصبر ازوده
على البعاد يمكن اعوده
تانى ترجع متمرده
تعيد اشواقه تجدده
روحى دركت ........ منو ينجده؟
بلا التويمات الرايده

إيمان غير متواجد حالياً   رد مع اقتباس
قديم 09-08-2008, 04:58 PM   #19
إيمان
عضو مشارك
 
الصورة الرمزية إيمان
 

افتراضي بلادي انا

بلادي أنـــــــــــا

للشاعر: إسماعيل حسن

بلدي بلد ناسا مواريثم

في أول شي ..كتاب الله

وحصان مسروج، وسيف مسنون حداه درع

كتاتيبم تسرج الليل مع الحيران

وشيخا في الخلاوي ورع

وكم نخلات تهبهب في جروفا الساق

وبقرة حلوبة تتضرّع وليها ضرع

بلدي أنا

تشيل الناس ، كل الناس وساع بي حيلا وليلا يسع

وتتدفق مياه النيل على الوديان

بياض الفضة في وهج الهجير بيشع

بلدي سهول ، بلدي حقول بلدي الجنة للعاشوها

ولي البرّة بيها سمع

بلدي بلد ناساً تكرم الضيف

وحتى الطير يجيها جعان ومن أطراف تكيها شبع

بلدي بلد الصفقة والطنبور وجاراتن تنق بالليل

وبنوتن تحاكي الخيل

يشابن زي جدي الريل

بلدي أمان ، بلدي حنان وناسا حُنان

يكفكفوا دمعة المفجوع

ويبدّوا الغير على زاتم

يقسموا اللقمة بيناتم

ويدّوا الزاد حتن كان مصيرم جوع

يحبّوا الجار

يموتوا عشان حقوق الجار

يضوقوا النار عشان فد دمعة

وكيف الحال لو شافوها سايلة دموع!

ديل أهلي .. واللــــــــــه ديل أهلي

البقيف في الدار في نص الدار

وأقول لي الدنيا. كل الدنيا ديل أهلي

عرب ممزوجة بي دم الزنوج الحارّة

ديل أهلي .. ديل قبيلتي لمّن أدور أفصل للبدور فصلي

ديل فصلي

أقول بعضي

ألاقيهم تسرّبوا في مسارب الروح

بقوا كولي

ألاقي قلبي والإحساس

وسافر في بحار شوقم زمــــان عقلي

أنا محل قبّلت ألقاهم معاي ، معاي زي ضليّ

أنا لو ما جيت من زي ديل كان وا أسافاي ، وا مأساتي وا زّلي

تصوّر كيف يكون الحال لو ما كنت سودان...

وأهل الحارّة ما أهلي تصوّر

إيمان غير متواجد حالياً   رد مع اقتباس
قديم 01-03-2009, 06:34 PM   #20
البشير دفع الله
المدير العام
 
الصورة الرمزية البشير دفع الله
 

افتراضي

حتى الطيف رحل خلاني ما طيّب لي خاطر
أما النوم أبا وجافاني وأصبح داجّي ساهر
قليل يا طيف أقيف وأرجاني وين فايتني عابر
شن حارس وراك أنا تاني ياني معاك مسافر

لا لا تقول لي كدي استناني أمشي وأجيك باكر
يبقى أنا ما ألم فيك تاني مين عارف المصاير
هاك اسمع رنين ألحاني وأبقى معاي سامر
خفف لي قليل أحزاني ياما أنا عشت صابر

شوف كيفن يسوي زماني ديمة علي جاير
آه مر العذاب وراني سهمو في قلبي غاير
شوف الليلة كيف بستاني دا الكان باشّي ناضر
من حر السموم بيعاني طيرو يفر يهاجر

جفّ يبس صبح صناني لافح حرو كافر
عدمان الضليل سواني مجنون قالوا شاعر
كل ما تمر تعدي ثواني منو اسراب تغادر
رحلوا الفيهو صر وحداني نازل ومرة سادر

أحوم أرجع أصد لبكاني مقطوع راسي حاير
وين أحبابي وين خلاني آه يا الله قادر
ما عارف العلي تراني فوق كرعي ساير
وأسكت أسوي في أوزاني أشعار مالا آخر

وإت ياطيف عليك أحزاني ليّ شوية كابر
عشان خاطر قليبي عشاني لحظات بس تخاطر

التوقيع: كن كشجرة الصندل تعطر فأس قاطعها
البشير دفع الله غير متواجد حالياً   رد مع اقتباس
 
 
إضافة رد
 
 
الكلمات الدلالية (Tags)
الأغاني, الشايقية, الشوايقة, ديوان, كلمات
 
 

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:32 PM.


Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.
المشاركات والآراء المنشورة في منتديات جبل الأولياء | فردوس النيل الأبيض سواء كانت بأسماء حقيقية أو مستعارة تـمـثـل وجهة نظر كاتبها