.::||[ آخر المشاركات ]||::.
رساله عااااااااااجلا لجميع أع... [ الكاتب : أبو اواب - آخر الردود : بت المسيد - عدد الردود : 2 - ]       »     هنا نتفقد بعضنا البعض .... [ الكاتب : تيسير عبدالمجيد - آخر الردود : بت المسيد - عدد الردود : 300 - ]       »     امونة بت الشيخ حمد- عيسى بروى [ الكاتب : بت المسيد - آخر الردود : بت المسيد - عدد الردود : 3 - ]       »     ابتسم ياشرطي المرور [ الكاتب : أبو اواب - آخر الردود : أبو اواب - عدد الردود : 0 - ]       »     قصة عتودي الخاتي الملامة الجهج... [ الكاتب : حافظكو - آخر الردود : عبدالرحيم عثمان - عدد الردود : 14 - ]       »     حق الولف [ الكاتب : ابوالسنة - آخر الردود : ابوالسنة - عدد الردود : 3 - ]       »     يا قلبي لو ما ردتها [ الكاتب : ابوالسنة - آخر الردود : ابوالسنة - عدد الردود : 3 - ]       »     تكوين اللجان المتخصصة لهيئة تن... [ الكاتب : نزار شلعي - آخر الردود : نزار شلعي - عدد الردود : 0 - ]       »     إنا لله وإنا إليه راجعون [ الكاتب : بكري - آخر الردود : عبد الواحد خضر - عدد الردود : 2 - ]       »     سمعتن عن ام الصبيان [ الكاتب : ايناس - آخر الردود : بت المسيد - عدد الردود : 5 - ]       »    



الإهداءات


 
 
العودة   موقع ومنتديات جبل الأولياء | فردوس النيل الأبيض > الأقــســـام الــعـــامــة > منتدى الأدب والخواطر والأقوال والحكم > مكتبات الشعراء
الرئيسية لوائح وقوانين المنتدى مركز رفع صور خارجي إتصل بنا
 
 
مكتبات الشعراء قصائد و دواوين الشعراء السودانيين والعرب

اشعار تغني بها الكابلي

مكتبات الشعراء

إضافة رد
 
 
 
أدوات الموضوع انواع عرض الموضوع
قديم 02-09-2012, 06:02 PM   #11
معاوية اللدية
عضو جديد
 
الصورة الرمزية معاوية اللدية
 

افتراضي

زينة وعاجباني
عبد الكريم الكابلي
زينة و عاجباني
تعجب كل شاعر
يلعب بالمشاعر
عليها يهنيني
و يقول زينة و عاجباني
أنا بي ريدا ناذر
إني أكون مغامر
بكل غالي عندي
أضحي ولا أحاذر
بقلبي و الأحاسيس
بأدق المشاعر
بالأيام وعمري
وكل عزيز و نادر
لأنها لو عرفتو
عفافا عليّ قادر
لما يزيد حنيني
أقول زينة وعاجباني
كم قلبي المعنّا
بأشوقي غنّى
ليك يا عاجباني
كم في السر تمنى
يشوف في إديك حنى
حريرة يا عاجباني
كان في دهرو فنا
يضوق لحياتو معنى
معاكي يا مالكاني
هو الفاقد المحنة
و دايما ليك أحنّ
منو لأحزاني
ما قادر أجاهر
ريدا عليّ ظاهر
لما يزيد حنيني
أقول زينة و عاجباني
( يقال بان الكابلي كتبها في زواج أخته )

التوقيع: [rainbow]لنْ يَبقى شَيء على حَآله ... !

حتَى الشَمس ، سَتكسَر آلروُتَيِنْ ( يَومَآ مآ ) . . !

وستشرق غربَآ..........
[/rainbow]
معاوية اللدية غير متواجد حالياً   رد مع اقتباس
قديم 02-09-2012, 06:02 PM   #12
معاوية اللدية
عضو جديد
 
الصورة الرمزية معاوية اللدية
 

افتراضي

شوية من كلمات أغنيات التراث
خالد – تراث
غير خالد .. مالك تنين عرش دود الأربعين
السيل بوبا يالفوتك مو دحين
*****
تغني ليك أم هاني ويشهدو اهل المعاني
نضيف .. خاتي .. ريحة .... الشاني
وكتل .... ديلاك .. خبره جاني
*****
يا القمرة الماك شهير يالراس ... الماك صغير
أبوك أب ساطي .. القبيل تبراه الشعبة والجنزير
خته .. كرسيه للعديل وكورك قال يا غفير
هو السيفه بدلي الجفير
العاداك . . وين يطير شقيا .. صادف نكير
*****
تغني ليك ظبية .. الحدر مابتبلع بي وصله مر
المكنة .. فوقه بتكاكي والمدفع .. تحته بيخر
لابخاف .. لابتر قدام .. العينيهم خدر
*****
شدوا ليك في أم سبيب كشفن ليك أمات وضيب
ياقاصدة ظنك مابخيب والفي الشمس قبال تغيب
السيل بوبا
يالفوتك مو دحين



- الشيخ سيرو – تراث

الشيخ حديدو .. بدور الشيخ أنا ياناس ... بريدو
الشيخ سيرو
الشيخ حديدو .. بدور أبغرة ... فوق مسيرو
الشيخ سيرو
*****
تلاتة ارادب ... غدى .. تلاتة ارادب ... عشى
الجيعان ود .. قلب الكسى .. ود الشيخ .. مصطفى
هو العقد الدم ... بالعصى .. الشيخ سيرو *****
تلاتة قدور .. صندلية .. تلاتة قدور .. محلبية
تلاتة قدور .. سرتية .. نسبيته قالت شوية
حرمان مايدخل علي .. الشيخ سيرو
*****
غنت ليك السرارة .. قالت الشيخ .. وارث الشطارة
ياود بيت ... النقارة .. انت مابترضى الحقارة
عينك حمرة وشرارة يومو الدخل البقعة جالها
كمل قماش النصارى .. الشيخ سيرو
*****
اولادو الصبيان .. الندادى .. سيادة المهرم .. بلاده
بضربوا الزول ضرب الحسادة ويحموه يقلب الشهادة
الشيخ سيرو
*****
غنت ليك .. البنية ... بنية سمحة .. وفنجرية
ماها السهيانة .. الغبية .. قالت الشيخ دهب الوقية
وقالت مابدي .. الشوية .. ياكا أب آمنة ورقية
عجل .. النصرة لي شمر .. ماتشمت علي
الشيخ سيرو




- الحسن صاقعة النجم – تراث
الحسن .. صاقعة النجم البحمي الشهادة والنضم
كل ليلة ومن السوط مابهم
*****
خرت .. صاقعة الصباح الجلة .. البارودة فاح
عملت .. ليك الصلاح الاصم .. ياتارك المزاح
*****
خرت .. صاقعة النهار الجلة .. البارودة نار
عملت ليك الغفار الاصم .. ياتارك الهزار
*****
حسن .. يا حسن السرور ياود ليلة .. القدر
انشاء الله عمرك يطول مثل مجاري البحور
*****
انا غنيت .. جبت النم فوق عجل الدكة الاصم
من الرصاص ما اتلخم ابوك بموت تحت الزخم



- الجنزير في النجوم – تراث
الجنزير .. في النجوم زي الهيكل .. المنظوم
مابخاف في المحاصة زموم
*****
انت .... يافرنيب جازم .. مابتجيب لي عيب
اسمك في الرجال عمسيب وانت لي الضرس عرديب
مابخاف في المحاصة زموم
*****
العيشته .. مي عوايل وجدك .. بضبح الشايل
اضرب كفك الطايل ماترى الجنزير سمح وخايل
مابخاف في المحاصة زموم
*****
غنيت .. بجر قولو كضبو القالو ... بتنولو
هو الدلب .. العرك زولو ماترى الخصيم قصر طولو
مابخاف في المحاصة زموم



قلبي المن نشوه
كلمات الحاردلو
قلبي المن ... نشوه للبنات هواي
وداب من زاد علي وغلب الداواي
من مسكة خنيصره المو شديد لاواي
بتفهق ... برا الكبد الحقن ناواي
خلقو لها الشتيم شاشايها جاي جاي جاي
وجات بتشلعه الفوقها النجيم ضواي
ست تبرى أب نقش والداير الباراي
ويا ستار علي ... من غيها السراي


علي – تراث

فرتيقة ام لبوس لويعة الفرسان
الليل بابلي عنزه وقرونه سنان
**
كراك ضرب مرقن جراقده أنداد
أنداد النصارى الكلهم بولاد
كرار علي كبر عليهم زاد
سيفك في غضاريف الرجال صياد
**
متين ياعلي تكبر تشيل حملي
إياك ياعلي الخلاك أبوي دخري
للجار والعشير الكان أبوك بدي
للغني والفقير الكان أبوك حامي
يتسولب من العلج الحرير وأكسي
لا تعاين الوجود ضربك بي شر سوي
وسيفك في غضاريف الرجال أروي
**
جابولنا الكرامه وصبحنا فرحانين
ضربوا دنقرن جوني العيال مارقين
بسأل عن علي الفارس البقود تسعين
هو اللدر العلي ضهرو الخبوب والطين
ما بياكل الضعيف ومابسولب المسكين
الا سيبة الأسد أم قبضة هين




الدود قرقر – تراث

قـالو الــدود قرقر حبس الدرب
الليله الدود قرقـر حبس الدرب
الدود يا عيـال مطر الخلا الهرّاج
الدود يـا عيال كم درّج المحتاج
الدود يا عيال فتح الدرب مدهاج
الدود يا عيال صقر الخلا البرّاج
تلقاه في أوّلن تاني للعقاب درّاج
********
الدود يا عيال فوق سدره ليهو زنود
الدود يا عيـال فوق إيدو ليهو نهود
الدود يا عيال بنتر بقول أنــا دود
الدود يا عيال توب عرضه مو مقدود
الدود يا عيال أسد الخلا أبو خـدود
حالف باليمين لا يجيب وجوهن سود
********
أمـانة قي أب حشيش وأب قـيق
سيفه القي الجفير مهره البسك في القيد
وراكم كتال ضحوة هلالي أب زيد
كل اليمسكه يكـاكي ويرمي الـبيض
********
يــا وليدات الكجر
كعب التغــا والحقر
سخيل ما بناطح بقر
والسحليه ما بتبلع دقر
********
الليله أب كريق عرّش مع البيّـاح
ود بيت اللقـا والدنـقر الـنّقـاح
في قلب المحاص والكافت اللفّـاح
أركزو يا عيال خلق العيال فضّـاح
ما شفنا أم دريقه بتكتل التمســاح



ماهو الفافنوس
كلمات بنونة بنت المك نمر

ماهو الفافنوس ماهو الغليد البوص
ود المك عريس خيلا بجن عركوس
أحيّ علي سيفه البحد الروس
ما دايرالك الميته أم رمادا شح
دايراك يوم لقى بدميك تتوشّح
الميت مسولب والعجاج يكتح
أحيّ علي سيفه البسوي التح
إن وردن بجيك في أول الواردات
مرنا مو نشيط إن قبّلن شاردات
أسد بيشه المكرمد قمزاته متطابقاتر وبرضع في ضرايع العنّز الفاردات
كوفيتك الخوده أم عصا بولاد
ودرعك في أم لهيب زي الشمس وقّاد
وسيفك من سقايته إستعجب الحدّاد
وقارحك غير شكال ما بقربه الشدّاد
يا جرعة عقود السم
يا مقنع بنات جعل العزاز من جم
الخيل عركسن ما قال عدادهن كم
فرتاق حافلن ملاي سروجهن دم
تلك المرثية كانت مجهولة وقام عبد الكريم الكابلي بإعادتها مرة اخرى إلى الأضواء وفيها تقوم بنونة بنت المك نمر برثاء شقيقها عمارة .



الموز روى – تراث

الموز روى قايم سوا فاطرك ضوى
انا ياناس بالنار جسمي انشوى
لسع دقاق وما استوى
حراسه مرتينن عوى
قطعوا له خط الإستواء
كيف بصري انا قلبي انشوى
******
ياستي أمرك لي مطاع
من غيري كل العاصي طاع
اعلانها باقي على انقطاع
نرجوك عدم الانقطاع
******
زينة الزناتي مع هلال
رسمولها فوق تاجها الهلال
أقدامها ماشالن علال
مودوعه عند سيد بلال
******
لوتاني عاد الإنفصام
بشكيه عند قاضي الغرام
اوريهو ناره الفي العضام
سراجه حامياني المنام

التوقيع: [rainbow]لنْ يَبقى شَيء على حَآله ... !

حتَى الشَمس ، سَتكسَر آلروُتَيِنْ ( يَومَآ مآ ) . . !

وستشرق غربَآ..........
[/rainbow]
معاوية اللدية غير متواجد حالياً   رد مع اقتباس
قديم 02-09-2012, 06:03 PM   #13
معاوية اللدية
عضو جديد
 
الصورة الرمزية معاوية اللدية
 

افتراضي

وقفة مع بعض درر الحقيبة
ماهو عارف قدمه المفارق
كلمات خليل فرح

ماهو عارف قدمه المفارق
يا محط آمالي السلام
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
حن ما مجينا الخصام
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام




انت حكمة
كلمات محمد علي عبد الله الأمي

انـت حـكمة انـت آيـة
و لاّ انـسـان انت صاحي
ولاّنايم ولاّ طرفك
من طبعو نعسان
انـت راحي انـت روحـي انـت انسان
عـيـنـي يـا صــاحي وانـت احـسـان
انـت نـادي انـت هـادي انت ميسان
انـت ظـافـر انت ضـافر اسـود وفـرسان
انـت شـادن انـت لادن انـت فـتّـان
انـت ضـامر انـت سـامر انـت هـتّـان
انـت نـادر انـت نـاضر انـت بستان
انـت صـافي انـت نـافي زور و بـهـتان
ياحـيـاتي يامـمـاتي هـاك سـطران
الصـبـابة ومـر عـذابا و قـلبـي اقـران
انـت سـاهي انـت لاهـي انـت بطران
فـي دلالك فـي جـلالك ياسـامي وكـران
ياصـفـايـا يا وفـايا هـاك بـرهـان
عـن غـرامي و طول هيامي السابني ولهان
عـزّ قـربك امـا بـعدك مـالو لي هان
قـلبـي خـافق هل توافـق قـدري ينـهان
يا حـبيـبي كـون طـبيبي امري حيران
طـول نهـاري ثم ليـلي سـاهي سـهران
طـال عـذابي صاح غرابي جوّي عكران
دمعـي هـامي شوقي نامي و فرشي نيران
انـت حـالي انـت عـالي انـت سلطان
انـت سـاطـع و انـا ساجع بي غناك طان
طـال انيـني فـاق حنيني الحان لأوطان
والـيلـومـني فـي هـواك ياسيدي غلطان



الشرف البذخ
كلمات خليل فرح

نحن ونحن الشرف الباذخ
دابي الكر شباب النيل
قوم قوم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل



من فاح طيب رياه
كلمات ابو صلاح
يا من فاح طيب رياه
علي ميت الهوى أحياه
فؤادي الشوق أعياه
*****
يامن بدا نور محياه
يفوق بدر السما في ضياه
لاح برق ثناياه
السحاب يبكي يدوب في مياه
وقلوبنا تدوب وياه
*****
بدر تم كامل في علاه
النجوم ما نارت لولاه
جمالك كيف احيا بلاه
الشليخ الحسنك جلاه
في خديدك ما أحلاه
*****
السهم العينك ناتراه
يا جميل مشتاق طرفي يراه
عجب جسمي الوجده براه
يحب الشخص الضراه
صحيح دى عيون ساحراه
*****
ملاك سبحان من سواه
ورفع في الفرقد مأواه
قليبه صعيب ما أقواه
عشوقه المرضان بهواه
بضيعه كان شوفته دواه
*****
سعيد الحسنك وافاه
المريض شوفتك فيها شفاه
حبيبي البي ما بخفاه
ما بستحمل قلبى جفاه
من هجرك لي كفاه كفاه



دمعة الشوق
كلمات مصطفى بطران

حـكـم حـبـي ارعـي نـجم الليل
يا دمعة الشوق كبي
نسمة الاسحار ليلي طال هبي
انـا مـسـاهـر ونـومـي متخبي
انتحل جسمي والمحال طبي
مـصدرو الزهرة الفي نواحي سهيل
*****
انشغال فكري وانعدام لبي
وشـحـوب لـونـي كـلو من حبي
انشغل بالي انتزع قلبي
امـا امـالـي طـوحـت بالمـيـل
*****
صدري مزماري والدموع شربي
انطـرب كـلما ذكـرو يخـطر بـي
مالو جافي نفور
مابدور قربي
وانـا مـالي دوام لـي خـيالو اميل
*****
حين قوامو يميس للغصون يسبي
وازدهـار محـيو للبـدور يـخـبي
في جمالو تشوف حكمة الرب
زي سـواد حظي جوز نواعسه كحيل
*****
يابديع الزي وازهر اللون
ياخفـيف الـروح يا سـما الصـون
خلقك مولاك زينة للكون
حـبـب الارواح فـي هـواك ياجميل
عهدي بيك ياجميل دأبك الحلم
اري هـجـرك لـي نـير الظـلـم
انت عارف نوع حبي ليك سلمي
شوقي مهما ازداد برضي شايفو قليل

التوقيع: [rainbow]لنْ يَبقى شَيء على حَآله ... !

حتَى الشَمس ، سَتكسَر آلروُتَيِنْ ( يَومَآ مآ ) . . !

وستشرق غربَآ..........
[/rainbow]
معاوية اللدية غير متواجد حالياً   رد مع اقتباس
قديم 02-09-2012, 06:04 PM   #14
معاوية اللدية
عضو جديد
 
الصورة الرمزية معاوية اللدية
 

افتراضي

ضنين الوعد
كلمات صديق مدثر
يا ضنين الوعد أهديتك حبي
من فؤاد يبعث الحب نديا
ان يكن حسنك مجهول المدى
فخيال الشعر يرتاد الثريا
كلما أخفيته في القلب
تنبي عنه عيناكا ولا يخفى عليا
أنا إن شئت فمن أعماق قلبي
أرسلو الالحانا شلالا رويا
وابثو الليل اسرار الهوى
واصوغ الصبح لون بابليا
لا تقول إني بعيد في الثرى
فخيال الشعر يرتاد الثريا
يا ضنين الوعد
**
كان بالأمس لقاءنا عابرا
كان وهما كان رمزا عبقريا
كان لو لا أنني ابصرتهو
وتبينت ارتعاشا في يديا
بعض احلام التي انسجها
في خيالي واناجيها مليا
يا ضنين الوعد
**
ومضة عشت على اشراقها
وانقضت عجلا وما أصغت إليا
كلمة خبتها في خافقي وترفقت بها
برا حفيا . . من دمي غذيتها
حتى غدت ذات جرفا ياسر الاذن شجيا
وافترقـــــــــــــــــــــــــــــــــــــــــنا
وبعينيا المنى قالها
الدمع وما ابصرت شئيا
ان تكن أنت جميلا فانا
شاعرا يستنطق الصخر العصيا
ان تكن أنت بعيداً عن يدي
فخيالي يدرك النائي القصيا
لا تقول إني بعيد في الثرى
فخيال الشعر يرتاد الثريا


( كتبت هذه الأغنية في المعهد الفني والذي كان يعج بالنشاط الثقافي من محاضرات ومناظرات وجمعيات أدبية في أواسط ستينات القرن الماضي حيث كان الشاعر صديق مدثر يتلقى دراسته أنذاك بالمعهد الفني . )

التوقيع: [rainbow]لنْ يَبقى شَيء على حَآله ... !

حتَى الشَمس ، سَتكسَر آلروُتَيِنْ ( يَومَآ مآ ) . . !

وستشرق غربَآ..........
[/rainbow]
معاوية اللدية غير متواجد حالياً   رد مع اقتباس
قديم 02-09-2012, 06:04 PM   #15
معاوية اللدية
عضو جديد
 
الصورة الرمزية معاوية اللدية
 

افتراضي

عز الليل
كلمات التجاني حاج موسى
في عز الليل
.. ساعة النسمة ترتاح ..
على هدب الدغش وتنوم
أنا مساهر ..
هد الحيل .. غرامك
واجترار الذكرى ..
طيفك في خيالي يحوم ,,
ويا هاجر ..
*****
انا والليل .. ومر جفاك
مساهرين نحكي للافلاك
لاخلصت حكاوينا ..
لالقينا البداوينا ..
يامشهيني طعم النوم ..
وطيفك في خيالي يحوم ..
وياهاجر ..
*****
سنين مرت . . ومروا سنين
.. وبراك عارف وبي ادرى
والحال ياهو نفس الحال
وفي جواي صدى الذكرى ..
وجرحك ياغرام الروح
لاطاب لابيدور يبرئ ..
ده جرحك مهما طول وغار مطبوع فيني بالفطرة ..
وبين الذكرى والنسيان . .
مسافة قريبة يا انسان ..
*****
ولو حاولت تتذكر ..
تعيد الماضي من أول
تلقى الزمن غير ملامحنا
ونحن بقينا مانحن ..
وانا الصابر على المحنة ..
ولو كان الزمان قساك
.. انا ماقسيت ..
ولو في يوم زمن نساك
انا مانسيت ..
وفي عز الليل ياهاجر
. . أنا مساهر ..


( كان ميلاد هذه الأغنية في العام 1976 م في مكتب الدكتور الشاعر عمر محمود خالد بمستشفى أمدرمان والذي كان يعمل بدوام ليلي في هذا اليوم حيث قام بصياغتها شعرا الشاعر الرقيق التجاني حاج موسى وقام عبد الكريم الكابلي بتلحينها في بداية الثمانينات بمدينة الرياض مع أغنية ماذا يكون حبيبتي للشاعر الدكتور حسن عباس صبحي . )

التوقيع: [rainbow]لنْ يَبقى شَيء على حَآله ... !

حتَى الشَمس ، سَتكسَر آلروُتَيِنْ ( يَومَآ مآ ) . . !

وستشرق غربَآ..........
[/rainbow]
معاوية اللدية غير متواجد حالياً   رد مع اقتباس
قديم 02-09-2012, 06:05 PM   #16
معاوية اللدية
عضو جديد
 
الصورة الرمزية معاوية اللدية
 

افتراضي

فتاة اليوم والغد
كلمات عبد الكريم الكابلي
أي صـوت زار بالأمـس خيالـي
طـاف بالقلـب وغنـي للكمـال
واذاع الطهـر فـي دنيـا الجمـال
واشاع النور فـي جـوف الليالـي
إنه صوتـي إنـا زاده العلـم سنـا
إنه صوتـي انـا إبنـة النـور أنـا
اوتــدري مـــن أنـــا ؟؟؟
أنـا أم اليـوم أسـبـاب الهـنـا
أنـا مـن دنياكمـو أحلـى المنـا
**
كل حب في الورى رجـع حنانـي
كـل نبـع دافـق بالخيـر دانـي
مـن ينابيـع يغذيـهـا كيـانـي
أنا نصـف قدحـوي كـل المعانـي
من يدانينـي أنـا ابنـة النـور أنـا
يا شبـاب الغـد اسمعنـي جوابـا
يقتنيه الجيـل فـي الدنيـا كتابـا
**
إن عـزمـي مـــن فـتـاتـي
مسـتـمـد فـهــي ذاتـــي
ومرآة لصفاتـي فطمئنـي يافتاتـي
كل ما فات يرتجى قد سلمنا من الزلل
فالنعد والتعد لنا فرحة العيد والأمـل
فالنعد والتعد بنا سنة الله فـي الأذل
سوف نرتقـي سلـم المجـد رقيـا
ونفيـض العلـم ينبوعـا رويــا
ونـنـادي بتلاقيـنـا سـويــا
لنشيـد المجـد صـرحـا أبـديـا
نـحـو ســـودان جـديــد

التوقيع: [rainbow]لنْ يَبقى شَيء على حَآله ... !

حتَى الشَمس ، سَتكسَر آلروُتَيِنْ ( يَومَآ مآ ) . . !

وستشرق غربَآ..........
[/rainbow]
معاوية اللدية غير متواجد حالياً   رد مع اقتباس
قديم 02-09-2012, 06:05 PM   #17
معاوية اللدية
عضو جديد
 
الصورة الرمزية معاوية اللدية
 

افتراضي

قمر دورين
كلمات عبد الكريم الكابلي
يا قمر دورين
أنا شفتك وين
طبعا في الليل
و في ضفاير النيل
في رمال سهرانه
وراجياك تسيل
في دموع الساقية
يرنو ليها نخيل
في قلوب فرحانة
عامرة بالتهليل
في عيون نعسانه
غارقة في التكحيل
و كل ديل في وطني
بريدك يا وطني
شمس الصباح
و الصباح رباح
شمسك يا وطني
طعم النجاح الزانو كفاح
طعمك يا وطني
حتى الجراح الزمانن راح
مهرك يا وطني
أهلي الفصاح أسياد الصلاح
درعك ياوطني
كل الملاح الجمالن فاح
زينتك ياوطني
إنت عندي كبير
وحبي ليك كتير
القوما ليك ياوطني
شيدوهو و زينوهو
وطن الجمال
علوهو و خلوهو
في عين المحال
وأفدوهو و أهدوهو
الروح و العيال
و ارعوهو و ابنوهو
بعزم الرجال
بأملنا بعملنا بالمحنة
بوفانى الفي دمانا
نبني جنة
و نبتهج لحن
وصغارنا تتغنى
يا أصلنا ومبتدانا
ياحلاة مسرح صبانا
و ذكرياتنا و مشتهانا
إنت فينا كبير
و ريدنا ليك كتير
القوما ليك يا وطني

التوقيع: [rainbow]لنْ يَبقى شَيء على حَآله ... !

حتَى الشَمس ، سَتكسَر آلروُتَيِنْ ( يَومَآ مآ ) . . !

وستشرق غربَآ..........
[/rainbow]
معاوية اللدية غير متواجد حالياً   رد مع اقتباس
قديم 02-09-2012, 06:06 PM   #18
معاوية اللدية
عضو جديد
 
الصورة الرمزية معاوية اللدية
 

افتراضي

كسلا
كلمات توفيق صالح جبريل
نضر الله وجه ذاك الساقي
انه بالرحيق حل وثاقي
فتراءى الجمال مزدوج الاشراق
يسبي معدد الافاق
وابنة القاش ان سري الطيف هنا
واعتلي هائما فكيف لحاق
والمني بين خصرها ويديها
والثنا في ابتسامها البراق
كسلا اشرقت بها شمس وجدي
فهي في الحق جنة الاشراق
كان صبحا طلق المحيا نديا
اذ حللنا حديقة العشاق
نغم الساقيات حرك اشجاني
وهاج الهوي حنين السواقي
بين حب في حبه متلاش
ومحب مستغرق في عناق
وتلاقت في حلبة الرقص ايد
وخدود والتف ساق بساق
فظللنا والظل والكل هام
في إنسجام وبهجة وانساق
وفتاة تختال كراما
وغرير لمخدوع منساق
والغواني الحسان بين يدينا
تتثنى في القيد والاطلاق
اقبل الصبح والشهود نهود
مسفرات اما لها من واق
ظلت الغيد والقوارير صرعي
والاباريق بتن في اطراق
ائتني بالصبوح يا بهجة الروح
ترحني ان كان في الكاس باق
يا ابنة القاش إن سرى الطيف
وهنا واعتلى هائما فكيف لحاقي
والمنى بين خصرها ويديها
والسنا في ابتسامها البراق
كسلا أشرقت بها شمس وجدي
فهي في الحق جنة الإشراق


( الشاعر الراحل توفيق صالح جبريل كان يعمل بالجهاز الإداري في أربعينات القرن الماضي وعمل في العديد من مدن السودان وعندما تم نقله على مدينة كسلا التي تعلق بها وهو الأمدرماني الأصيل فكتب جنة الإشراق والقصيدة هنا مكتملة حيث تغنى الكابلي ببعض أبياتها )

التوقيع: [rainbow]لنْ يَبقى شَيء على حَآله ... !

حتَى الشَمس ، سَتكسَر آلروُتَيِنْ ( يَومَآ مآ ) . . !

وستشرق غربَآ..........
[/rainbow]
معاوية اللدية غير متواجد حالياً   رد مع اقتباس
قديم 02-09-2012, 06:06 PM   #19
معاوية اللدية
عضو جديد
 
الصورة الرمزية معاوية اللدية
 

افتراضي

مروي
كلمات عبد الكريم الكابلي

فيك يا مروى شفت كل جديد
فيك شفتة عيون لعبو بى شديد
وانكويت بالنار من زهور فى خديد
مهما زاد وجدى ما بسيب الريد
لانو قلبى حنين وبعشق التغريد
بى محاسن الكون بى جمال الغيد
يلا نمشى النيل فى اواخر الليل
بين رمال ونخيل يغنى لينا جميل
بوبا عليك تقيل القمر بوبا
يا مريسيل تعال بوصيك
فى الرمال الصيد بلاقيك
لو بعزمك ويعتلق بيك
قولو حالف ما بباريك
وما بدليها التهمة فيك
جيت مارى العصير
لقيتة تملا فوق بير
الرقيبة قزازة عصير
العيون متل الفناجين
الزراق فوقة تقول حرير
الضمير عاج التكارير
السنون براقن يشيل
وانتة ريحتك فرير
ولا بت السودان اصيل
شوف فلانة الواردة وحواء دخلت
سكنت قلبى من جوه
واتغابت فوقو الخوه
تحكى خطو الريمه العايرة
على نغم الساقية الدايرة
تغنى ليها تقول
والله ظلم لينا ظلم
يا ناس القوز علينا ظلم
الشال السيدة وخلا حرم
سفر التلات والله عدم
سعينا الريد جنينا حكم
وقلنا الحب والله قسم
متين يا الساقية نترك النوح
يجينى قميرى يقولى نروح
نزور الشوفتو ترد الروح
حبيبى السادة خفيف الدم
فيك يا مروى شفنا كل جديد
فيك شفنا جمال كل لحظة يزيد
يسبى وجدانى وبى حلاتو اشيد
وان نسيت ما نسيت يوم لقيت الصيد
ساهى فى حسنو وبى غناهو سعيد
كم اضاع صبرى
بالحلة تنورى يا الحلة تنورى
يا بنية تنورى حاااشاك تتغيرى
قسمى الشبال كترى لى قلوب الناس كبرى
ويا عيونى اتصبرى
ياللوري تشيل منو
غير شباب نوري تشيل منو

التوقيع: [rainbow]لنْ يَبقى شَيء على حَآله ... !

حتَى الشَمس ، سَتكسَر آلروُتَيِنْ ( يَومَآ مآ ) . . !

وستشرق غربَآ..........
[/rainbow]
معاوية اللدية غير متواجد حالياً   رد مع اقتباس
قديم 02-09-2012, 06:07 PM   #20
معاوية اللدية
عضو جديد
 
الصورة الرمزية معاوية اللدية
 

افتراضي

كل يوم معانا
كلمات عبد الكريم الكابلي
يا الكل يوم مــعانا و ما قادرين نـقـــول ليك
انك في قــــــلوبنا و كــــم نشتاق لي عينيك
حنــــــــــانك يـــــــا حــالم
**
عشنـــاك في الاماني و انت قريب معانا
فــيك ســـر الغرام عشـــناك بالامــــاني
و اهديــناك اغاني تنبـــع من دمانا
ترمــز ليك دوام فيها زهور جنينة
في قلوبنا الحنينه الراجياك دوام
كل ما ندور نصارحك يتجمد بيانا
يغلبنا الكلام و كم نشتاق لي عينيك
حنانك يــــــا حالـــــــــــــــم
**
حراسك يا حالم الحياء و الفضـــــيله
و الوعي المبكر و العاطفــــــه النبيله
و امانيك عذاري تتجـــــــــمع في ليله
فيها زغاريد و حنه فيها بخور و شيله
فبها الناس تبارك الحــــــب و الحليله
فيها الناس تغني للزين و العديلــــــــه
ده الحـــــالم في قربو زي راس القبيله
وكم نشتاق لي عينيك و كم نشتاق لي عينيك

التوقيع: [rainbow]لنْ يَبقى شَيء على حَآله ... !

حتَى الشَمس ، سَتكسَر آلروُتَيِنْ ( يَومَآ مآ ) . . !

وستشرق غربَآ..........
[/rainbow]
معاوية اللدية غير متواجد حالياً   رد مع اقتباس
 
 
إضافة رد
 
 
الكلمات الدلالية (Tags)
الكابلي, اسعار, تعود, بها
 
 

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:40 AM.


Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.
المشاركات والآراء المنشورة في منتديات جبل الأولياء | فردوس النيل الأبيض سواء كانت بأسماء حقيقية أو مستعارة تـمـثـل وجهة نظر كاتبها