.::||[ آخر المشاركات ]||::.
رساله عااااااااااجلا لجميع أع... [ الكاتب : أبو اواب - آخر الردود : بت المسيد - عدد الردود : 2 - ]       »     هنا نتفقد بعضنا البعض .... [ الكاتب : تيسير عبدالمجيد - آخر الردود : بت المسيد - عدد الردود : 300 - ]       »     امونة بت الشيخ حمد- عيسى بروى [ الكاتب : بت المسيد - آخر الردود : بت المسيد - عدد الردود : 3 - ]       »     ابتسم ياشرطي المرور [ الكاتب : أبو اواب - آخر الردود : أبو اواب - عدد الردود : 0 - ]       »     قصة عتودي الخاتي الملامة الجهج... [ الكاتب : حافظكو - آخر الردود : عبدالرحيم عثمان - عدد الردود : 14 - ]       »     حق الولف [ الكاتب : ابوالسنة - آخر الردود : ابوالسنة - عدد الردود : 3 - ]       »     يا قلبي لو ما ردتها [ الكاتب : ابوالسنة - آخر الردود : ابوالسنة - عدد الردود : 3 - ]       »     تكوين اللجان المتخصصة لهيئة تن... [ الكاتب : نزار شلعي - آخر الردود : نزار شلعي - عدد الردود : 0 - ]       »     إنا لله وإنا إليه راجعون [ الكاتب : بكري - آخر الردود : عبد الواحد خضر - عدد الردود : 2 - ]       »     سمعتن عن ام الصبيان [ الكاتب : ايناس - آخر الردود : بت المسيد - عدد الردود : 5 - ]       »    



الإهداءات


 
 
العودة   موقع ومنتديات جبل الأولياء | فردوس النيل الأبيض > الأقــســـام الــعـــامــة > منتدى الأدب والخواطر والأقوال والحكم > مكتبات الشعراء
الرئيسية لوائح وقوانين المنتدى مركز رفع صور خارجي إتصل بنا
 
 
مكتبات الشعراء قصائد و دواوين الشعراء السودانيين والعرب

مكتبة الشاعر/ أزهرى محمد على

مكتبات الشعراء

إضافة رد
 
 
 
أدوات الموضوع انواع عرض الموضوع
قديم 02-20-2010, 03:36 PM   #11
damra3
عضو مشارك
 
الصورة الرمزية damra3
 

افتراضي زولة حنونة

زولة حنونة
*ازهري محمد علي
زوله حنونه
زوله حنونه بريحة المطر مسكونه
عاجبنى السمار الفيها
وانهار النبيذ فى عيونه
سميته انكسار الضو
سمانى البحر مجنونه

ذى زغب الطيور نديانه
بالدل والخجل
وطاعم حديثه دقاق دقاق
كلماته بتنقط عسل
مابتجرحك بكلمه فى الجد والهزل
تبدا الصباحات منها
وتفتح مشاوير الغزل

ياصدرها الواسع بحر
ياحلمها الممدود محيط
مليانه هيبه وعنفوان
وسماحة الزول البسيط
مخضره اجمل ماتكون
الخضره فى الجرف الوهيط
هى النخله بتصارع الرياح
وترمى للناس السبيط

وفى عبق الجروف معطونه
ساقيها الرزاز وصبوحه
وذى مر النسيم تتهادا
ترتاح النفوس فى دوحه
من فاها الكلام بشرقنا
بالجنه المطعمه بوحه
فى الدنيا البيشبها مافى
هى براها تشبه روحه
زوله حنونه

التوقيع: محل ما الغيم بارك
باريتك
damra3 غير متواجد حالياً   رد مع اقتباس
قديم 02-20-2010, 06:25 PM   #12
ابوالسنة
مشرف منتدى الأدب والخواطر
 
الصورة الرمزية ابوالسنة
 

افتراضي

مشكور لهذه الكلمات الرائعة التى نثرتها بيننا 000

ابوالسنة غير متواجد حالياً   رد مع اقتباس
قديم 02-21-2010, 11:32 AM   #13
مبارك إبراهيم الأمين
عضو مشارك
 
الصورة الرمزية مبارك إبراهيم الأمين
 

افتراضي

اقتباس:
المشاركة الأصلية كتبت بواسطة damra3 مشاهدة المشاركة
زولة حنونة
*ازهري محمد علي
زوله حنونه
زوله حنونه بريحة المطر مسكونه
عاجبنى السمار الفيها
وانهار النبيذ فى عيونه
سميته انكسار الضو
سمانى البحر مجنونه

ذى زغب الطيور نديانه
بالدل والخجل
وطاعم حديثه دقاق دقاق
كلماته بتنقط عسل
مابتجرحك بكلمه فى الجد والهزل
تبدا الصباحات منها
وتفتح مشاوير الغزل

ياصدرها الواسع بحر
ياحلمها الممدود محيط
مليانه هيبه وعنفوان
وسماحة الزول البسيط
مخضره اجمل ماتكون
الخضره فى الجرف الوهيط
هى النخله بتصارع الرياح
وترمى للناس السبيط

وفى عبق الجروف معطونه
ساقيها الرزاز وصبوحه
وذى مر النسيم تتهادا
ترتاح النفوس فى دوحه
من فاها الكلام بشرقنا
بالجنه المطعمه بوحه
فى الدنيا البيشبها مافى
هى براها تشبه روحه
زوله حنونه
قصيدة جميلة لها رنة موسيقية تحتاج لملحن ومطرب ليغنيها أعجبت جدا بهذا المقطع.

التوقيع: وأغض طرفي إن بدت لي جارتي
حتي يــــــــــواري جارتي مأوآها.
مبارك إبراهيم الأمين غير متواجد حالياً   رد مع اقتباس
قديم 02-22-2010, 01:06 PM   #14
اللورد
مشرف منتدى الرياضة المحلية والعالمية
 
الصورة الرمزية اللورد
 

افتراضي

اقتباس:
المشاركة الأصلية كتبت بواسطة damra3 مشاهدة المشاركة
زولة حنونة
*ازهري محمد علي
زوله حنونه
زوله حنونه بريحة المطر مسكونه
عاجبنى السمار الفيها
وانهار النبيذ فى عيونه
سميته انكسار الضو
سمانى البحر مجنونه

ذى زغب الطيور نديانه
بالدل والخجل
وطاعم حديثه دقاق دقاق
كلماته بتنقط عسل
مابتجرحك بكلمه فى الجد والهزل
تبدا الصباحات منها
وتفتح مشاوير الغزل

ياصدرها الواسع بحر
ياحلمها الممدود محيط
مليانه هيبه وعنفوان
وسماحة الزول البسيط
مخضره اجمل ماتكون
الخضره فى الجرف الوهيط
هى النخله بتصارع الرياح
وترمى للناس السبيط

وفى عبق الجروف معطونه
ساقيها الرزاز وصبوحه
وذى مر النسيم تتهادا
ترتاح النفوس فى دوحه
من فاها الكلام بشرقنا
بالجنه المطعمه بوحه
فى الدنيا البيشبها مافى
هى براها تشبه روحه
زوله حنونه
سلمت يداك يا اخي بالفعل قصيدة رائعة مليئة بالاحاسيس والعاطفة ، ننتظر منك المزيد

التوقيع:
منت شايف يابعد عمري وكوني كيف صارت دنيتي بعدك ظلام
كيف أقضي وحدتي بهمي وجنوني والألم ساكن بقلبي بإزدحام
ضايعٍ ما بين أوهامي وظنوني والعشم ترضى عليه لو كلام
كل ماجيتك اردد ياعيوني أرفق بحالي وراعيني حرام
لا تخليني لوحدي في شجوني لمني بأحضان قلبك بإهتمام
من متى وانا أحاول إفهموني حالتي صعبه وربي ما انام
بسألك مره جرحتك / ناظروني عددي ظلمك ولحظات السلام
اللورد غير متواجد حالياً   رد مع اقتباس
قديم 02-22-2010, 04:44 PM   #15
طارق هاشم
عضو جديد
 
الصورة الرمزية طارق هاشم
 

افتراضي

ياولد الكلام ده جيبتو من وين ياولاه

التوقيع: هوهووا
طارق هاشم غير متواجد حالياً   رد مع اقتباس
قديم 02-26-2010, 05:45 PM   #16
damra3
عضو مشارك
 
الصورة الرمزية damra3
 

افتراضي و كأّنِك إنتي المنتظر

صـالـحة
للشاعر : ازهرى محمد على


دخلتى زي ختّـة نفس
ومرقتى في لمحة بصرْ
مرقتي لا حِس لا خَبـَرْ
لا لوّحـَـت إيديك تلويحة وداع ..
لا سبتي جنب الباب أتر
هشّيتي أسراب الحمام
و أفشيتي في الأرض السلام
و كأّنِك إنتي المنتظر ..
و كأنك إنتي المُنتهى ..
وأول تصاريف القدر ..
ونحن إدخرناك ... لليالي الحالكات
للزمان المُـرْ
وساعات الخطرْ
أديتي فرضِك والنوافل
والباقيات الصالحات .. يا طيبة ..
وانتي على سَفر ..

يا الله .. مِن هذا السفر
يا الله ... مِن هذا اللهيب ..
مِن ... وجهها الطلق الخصيب
مِن ... كفها دعاش المطر
مِن ضحكتها و رِقة صباحاتا الحليب ..

من وشّها المليان بطر
أنا خُفتها تفتح شبابيك النحيب ..
و تشُر على روحي الفَّـترْ ..

وانا شفتها في لحظة الحلم الغريب
تتوالي في الخاطر صُوّر
كانت حكايات كلّها
و أضحت مواجع كُلّها
أدمنّا وجع الاجترار
و إحتجنا لي لحظة مقيل .. في ضُلها
إحتجنا نكتبلِك قصيد
ونغنى ( بنحبِّك بحر) ..
واحتجنا لى لحظة زمانّا المترعة
زمن الأمانى الطيبة .. و الريد .. والدِّعة
والقلب فاتح والخلايا أبوابا كلها مشرعة ..
العاديات .. عدّت على تعب الجسد
و ركضت خيولك مسرعة
ليه راقدة في ضِيق اللّحد
و الدنيا بي هذى السِّـعة ..!

الغيم في متناول إيديك
والقلب بور
والمطر زى ما تشتهِى
أرميني في أرضك بذور
لميني من وجع الغياب
تلقيني في دمّك حضور
و أديني مفتاح السحاب
نرسم مسارات الطيور ..
يا مُترعة ..
مفتوحة شارات المرور
ما بين غيابك و ( مشرع الحلم الفسيح)
ضاعت محطات الوصول
من حيلة الخطو الكسيح
قدرِك...
تباريك المناحات
و تعيش سنين العمر في قفص التباريح
والذكريات في كل ليل
تفتح حنينك بيت بكا
و تعصف رياح الفرقة
بي حلم المراجيح
قدرك ...
تلاقي الدنيا في باب الخروج
و تفتح حنين القلب للراحلين ..... ضريح
قدرك ..
تداري الحزن في القلب الذبيح
لا انت آخر الأنبياء
لا إنت في حلم المسيح

ويا صالحة .. وينو ضلك ..
في الطريق .. وين خطوتك ..فى الرملة
صُرِّيها في منديل علق ..
و مديها بحق السنين ..
والعُشرة .. والدم .. و العرق ..

أيدك في إيدى سوا سوا ..
من الصباح حتى الشفق
من الشفق حتى الزوال
و القمر إذا اتسق
و كما اتفق ..
نجلس على ضل المزاج
نتعاطى ضحكات الحبيبة
و نحتسي كاسين من الحب الرحيم
نقراها باسم الذى خلق
ونقراها حرِف حرِف
نسكب صهيل الجرح
في صمت الورق
و نلقاها في الريح العصف
خُضرة سنينا اليانعة
و اتحتحتت صفق
ونلقاها في ضهر الخيول
البتفزع من حوافرها في السبق ..
و تهرع كلّما اشتدّ الرهان
وبانت ملامح اللّفة في آخر النفق ..
نلقاها ..
في جيّة الضيوف
والفرحة كلما الباب طَرَقْ
نلقاها في ختّة الراس والحلم
في الهجعة وإن طال الأرق
نلقاها في ضُل الصباح
والونسة .. ضحكات الصغار ..
و طقطقة الاصابع .. طَقْ ، طرق ..
نلقاها بآخر رمق
وقفت على حد الكفاف
رمَت السناسن في الطبقْ
فجّت ضلامات السنين ..
قامت على ذات النسق ..
مدّت ايديها على الحنين
و رشّت المشاغبين بالنبق ..

ياصالحة
لِميني على ثراك
واعفينى من هذا الرهق
وسلميلى على المعاك
السابقين .. الطيبين ..الصادقين
الجمّلوا العالم هناك
طفلة وملامحها من رؤاك
موءودة انتي على التراب
موءودة كانت فى حشاك
انا شفتها بتضمدي أحزانك براك
و أنا شفتها ..
في البعث في هيئة ملاك ..
في جيدها باقات النجوم
و في إيدها أغصان الأراك

أنا شُفتها ..
في ذلك اليوم العظيم
في نشوة بتردّد غُناك
بى حِسّـها الرطب الرخيم
فتحت عليك في الكَتمَة
شباك النسيم ..
حضروها كل الأولياء الصالحين
في الطور مع موسى الكليم
مرقت بواطن الأرض من رحم الأديم
و فتحت مصابيح الخلاص
في عَتمة الليل البهيم
وأنا شَفتها
عبرت معاك .. حبل الصراط المستقيم
و مرقتي أجمل ما يكون
إنسان على كف النَّعَشْ
مرقن معاكي بنات كتار
وغابن وراك بنات نعش ..
ركّن على دم الغروب
فرّن مع وش الدّغَش
ردحّن على حِس الهبوب
و انا حِسِّـي
يبقالِن طرَشْ
غشّني بي موية الرهاب
و شنقّنِّـي بى حبل العطش
واعدتهِن ..
ما تواعدن
واعدتهن ...
ماتواعدن ..
ضحكاتن اللبن الحليب
والقمرة مرّة مرّة بتشبهِن ..
ما شُفتهِن .. شافنّي هِـنْ
مابين طشاش السّكة والشوف البصيص
.. شبّهتَهِنْ ..
غسلنِّى من خوفي الرخيص
شبّهتهِن ..
حِزنن علّيْ
و حِزِنْتِ أكتر مَنّهِن ..
وبكينا كلّنا من دواعي الخيبة
و الحظ التعيس ..

سرقن صهيل الجرح من خلف الكواليس
و كتبن تراجيديا الصراع الجب
و امرأة العزيز
النسوة والدم .. والقميص ..
مديتي أيدك للحريق
بَـقّـن أصابعينك شموع
والقلب كان حِنّة عريس
و بكيتي والوش منطرح
و ضحكنا والايد في الجرح ..
لمعَت دياجى الأرض في ضو الفوانيس
ما تلبسى تياب العطش
اتلفحى النيل قرمصيص ..
و ادخُلينى على عجل
يا صالحة من باب السلام
مفتوحة أبواب الفراديس
اتفضلي

التوقيع: محل ما الغيم بارك
باريتك
damra3 غير متواجد حالياً   رد مع اقتباس
قديم 03-18-2010, 03:11 AM   #17
damra3
عضو مشارك
 
الصورة الرمزية damra3
 

افتراضي السفر

ازهري محمد علي



السفر وجع الرحيل
غربة الذات واجترار الذكرى
فى الليل الطويل
السفر ضيق الوجوه الواسعه
والصبر الجميل
سرك تقوله الدمعه لصمت المناديل
ظنك باحلام التلاقى المستحيل
صمتك ولا صمت الحمام عن الهديل
وفرسك اذا فقد الرهان
وجرحته فى حسه الصهيل

السفر لما الحبيبه تلملمك
رعشة اناملها فى الغياب
خطواته لما تقدمك
وتحسها فى صرير الباب
دعواته ليك ولمة خطاك من التراب
تلويحة ايديها الغمام
الحيره والنظره العتاب
السفر غربه الروح فى الديار
بعد المنافى الواسعه
من خلف البحار
ضجر المكان واشواقنا
للناس الكتار
النار يامستجير من الرمض بالنار
السفر انك تحسها فى التفاصيل
وترسم ملامحه فى الغبار
السفر وجع الرحيل

التوقيع: محل ما الغيم بارك
باريتك
damra3 غير متواجد حالياً   رد مع اقتباس
قديم 03-18-2010, 03:15 AM   #18
damra3
عضو مشارك
 
الصورة الرمزية damra3
 

افتراضي قبل التكوين

ازهر محمد علي[

FONT="Andalus"]ومشيت وفى الخاطر
كلمات ماقلناها
وفى رحم الغيب غنوات
ياريت الزول لو غناها
وياريت ايامنا الجايات
لو قدرايامنا العشناها

ياحاضر فى كل الاوكات
مخضر فى روحى بساتين
موجود فى كل الحاجات
اطفال بتشكل فى الطين
وتحاول ترسم لوحات
لصورتك قبل التكوين
وفراشه تحجى فراشات
فى شهقة نفس الياسمين

راجيك مترامى الاشواق
فى ضل الشاتى الرماى
نتناجى مناجاة العشاق
ونشد اوتار الغناى
فى دقة قلبى الملتاع
بين جاى الليله وماجاى
حاسيك ذى ريحة النعناع
فى المغرب قنانة شاى
[/FONT]

التوقيع: محل ما الغيم بارك
باريتك
damra3 غير متواجد حالياً   رد مع اقتباس
قديم 03-18-2010, 03:21 AM   #19
damra3
عضو مشارك
 
الصورة الرمزية damra3
 

افتراضي حد العشق

ازهرى محمد على


يامالى عينى باليقين
مالينى لحد العشق
لمتين بتتوارى وتبين
لاتصفا لا يوم نتفق

انا كل مااعتب عليك
من شوقى بالشوق بنحرق
يسبقنى درويش الغرام
والقاه فى ريدك غرق
امرق من الوهج العلى
وادخل عليك ذى البرق
تدخل متل ضل الضحى
وبالراحه تمرق منسرق

فاض الحنين والريد بحر
واشواقى من شوقك فرق
فرق المشاعر المانست
قدر الحبيب لا شمتت فيه الخلق
فرق الحنين من زول بريدك بصدق
كل ماطراك بالفرحه يشهق وينشرق
وانت الهناك لا حنه قلبك لاشفق

لو توهك وهم الظنون
من ياتو سكه بتتلحق
وياتو عشره تهون عليك
ما تسوى حاجه وتستحق
وانا ماحدقتك من زمان
كان اصلو هو الريد بالحدق

امرق هداك باب المروق
لو مره نقدر نفترق
وادخل بدسك فى العروق
مااصلو دساس العرق
يامالى عينى باليقين
ومالينى لحد العشق

التوقيع: محل ما الغيم بارك
باريتك
damra3 غير متواجد حالياً   رد مع اقتباس
قديم 03-18-2010, 03:25 AM   #20
damra3
عضو مشارك
 
الصورة الرمزية damra3
 

افتراضي يامنضوم بخيط الروح

ازهري محمد علي

ياريت ياريت لو عارفك جيت
كان بالشوق واللهفه رجيتك
وكان وصيتلك ناس البيت
كان خصمتك وما خليتك
الا تقيل ولاتبيت
فايت وين البيت بيتك
يامنضوم بخيط الروح
بينى وبينك عشره قديمه
خشم الباب مشرع مفتوح
مدا ضراعه وحلب الغيمه
والاطفال فى الشارع اجمل
صحت الحله وخضر نيمه
وذى ماالغيم باراك باريتك
الا تقيل ولا تبيت
فايت وين البيت بيتك

ذى الطيف مستعجل عابر
كنت اقلو ترسل ليا
كان حصلتك قبل تغادر
وكان حسيته مشاعرى الحيه
نترجاك الليله وباكر
ونستناها متين الجيه
كان نلقاك بطيبة خاطر
بالحنيه وحسن النيه
والاشواق والريد ياريتك
كنت تقيل ولا تبيت
فايت وين البيت بيتك

التوقيع: محل ما الغيم بارك
باريتك
damra3 غير متواجد حالياً   رد مع اقتباس
 
 
إضافة رد
 
 
الكلمات الدلالية (Tags)
محمد, أزهرى, مكتبة, الشاعر or, على
 
 

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:47 PM.


Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.
المشاركات والآراء المنشورة في منتديات جبل الأولياء | فردوس النيل الأبيض سواء كانت بأسماء حقيقية أو مستعارة تـمـثـل وجهة نظر كاتبها